നമ്മുടെ അടുക്കളകളിൽ ഒഴിച്ച് കൂടാൻ കഴിയാത്ത ഒന്നാണ് മഞ്ഞൾ. രുചിയ്ക്കും നിറത്തിനും വേണ്ടി ഭക്ഷണവിഭവങ്ങളിൽ ചേർക്കുന്ന ഇത് നൽകുന്ന ഗുണം ചെറുതല്ല. ആരോഗ്യ,ചർമ്മ പരിപാലത്തിന് ഏറെ സഹായകരമാണ് മഞ്ഞൾ.
മഞ്ഞുകാലം അടുത്തിരിക്കെ മഞ്ഞൾ ഈ തണുപ്പുകാലത്ത് എങ്ങനെ ആരോഗ്യത്തിനും സൗന്ദര്യത്തിനും ഗുണകരമാകുമെന്ന് നോക്കാം.
മഞ്ഞുകാലത്ത് പലർക്കും ഉണ്ടാകുന്ന പ്രശ്‌നമാണ് കഫം. രണ്ട് ഗ്ലാസ് ചെറുചൂടുവെള്ളത്തിൽ ഒരു സ്പൂൺ മഞ്ഞൾ കലക്കി ദിവസത്തിൽ രണ്ടുനേരം കുടിക്കുന്നത് ആശ്വാസം നൽകും. പ്രതിരോധ ശേഷിക്കും ഇത് പ്രയോജനകരമാണ്. മഞ്ഞളിന്റെ ആന്റിവൈറൽ , ആന്റി ബാക്ടീരിയൽ ഗുണങ്ങൾ ആരോഗ്യത്തിന് സഹായകരമാകും. നല്ല ദഹനത്തിന് സഹായിക്കുന്ന ഇളംചൂടു മഞ്ഞൾ വെള്ളം വെറുംവയറ്റിൽ ഇത് കുടിയ്ക്കുമ്‌ബോൾ അസിഡിറ്റി പ്രശ്നങ്ങളും ഗ്യാസുമെല്ലാം ഒഴിവാകും. മലബന്ധം പരിഹരിയ്ക്കപ്പെടും. .
ചർമ്മപ്രശ്നങ്ങൾ തണുപ്പ് കാലത്ത് വർദ്ധിക്കും. വരണ്ടതും തണുത്തതുമായ വായു തലയോട്ടിയിലെ ഈർപ്പം വേഗത്തിൽ നഷ്ടപ്പെടുത്തും. മഞ്ഞുകാലം അടുക്കുമ്പോൾ താരൻ കൂടുതലായി കണ്ടുതുടങ്ങും. ഈ സമയത്ത് താരനെ ഇല്ലാതാക്കാൻ മഞ്ഞൾ ഉപയോഗിക്കാം. മഞ്ഞൾ ചേർത്ത് വെളിച്ചെണ്ണ ഉപയോഗിക്കുന്നത് താരനെ തടയുകയും മുഖത്ത് ഉപയോഗിക്കുന്നത് നിറം വർദ്ധിപ്പിക്കുകയും ചെയ്യുന്നു.
ചർമത്തിന്റെ ആരോഗ്യത്തിനും മഞ്ഞൾ ഏറെ നല്ലതാണ്. മഞ്ഞൾ ചർമ സൗന്ദര്യത്തിന് മാത്രമല്ല, ചർമത്തിലുണ്ടാകുന്ന പല പ്രശ്നങ്ങൾക്കും മരുന്നാക്കാം. ചർമ്മത്തിന്റെ വേദനയും ചൊറിച്ചിലും മാറാൻ, ഒരു ടീസ്പൂൺ മഞ്ഞൾ പൊടി നാരങ്ങ നീരും കുറച്ച് വെള്ളവുമായി ചേർത്ത് മിനുസമാർന്ന പേസ്റ്റ് ഉണ്ടാക്കുക. ഹെർപ്പസ് മൂലമുള്ള വ്രണം, എക്‌സിമ, സോറിയാസിസ്, മുഖക്കുരു, എന്നിവയിൽ ഇത് നേരിട്ട് പുരട്ടാം.
പച്ച മഞ്ഞളിൻറെ വിവിധ ആരോഗ്യ ഗുണങ്ങൾ
മഞ്ഞളിൽ അടങ്ങിയിരിക്കുന്ന ആൻറീ ബാക്ടീരിയൽ ഗുണങ്ങൾ ശരീരത്തെ അണുബാധകളിൽ നിന്ന് സംരക്ഷിക്കാനും അവയിൽ നിന്ന് വേഗത്തിൽ സുഖം പ്രാപിക്കാനും സഹായിക്കുന്നു.ആൻറി ഇൻഫ്‌ലമേറ്ററി ഗുണങ്ങൾ ശരീരത്തിലെ മുറിവുകൾ വേഗത്തിൽ ഉണങ്ങുന്നതിന് സഹായിക്കുന്നു.ഹൃദയസംബന്ധമായ പ്രശ്നങ്ങൾ, സ്ട്രോക്ക്, പൊണ്ണത്തടി, പ്രമേഹം എന്നിവയ്ക്ക് ഗുണം ചെയ്യും.ഭാരവും പൊണ്ണത്തടിയും കുറയ്ക്കാനും ബോഡി മാസ് ഇൻഡക്സ് (ബിഎംഐ) സന്തുലിതമായി നിലനിർത്താനും സഹായിക്കുന്നു. ദഹനവ്യവസ്ഥയെ ആരോഗ്യകരമാക്കുകയും ഗ്യാസ്, അസിഡിറ്റി, മലബന്ധം, ദഹനക്കേട് തുടങ്ങിയ പ്രശ്നങ്ങൾ തടയുകയും ചെയ്യും.രക്തം ശുദ്ധീകരിക്കുന്നതിന് സഹായിക്കുന്നു.സന്ധിവേദനയ്ക്ക് വലിയ ആശ്വാസം നൽകുന്നു.നാഡീവ്യൂഹത്തെ ആരോഗ്യകരമായി നിലനിർത്തുന്നതിനും ഇത് സഹായകമാണ്.വായയിലെ പല പ്രശ്നങ്ങൾക്കും ആശ്വാസം നൽകുന്നു.പൈൽസ്, സ്ത്രീകളിലെ രക്താർബുദം, സ്തന സംബന്ധമായ പ്രശ്നങ്ങൾ, ചർമ സംബന്ധമായ പലതരം പ്രശ്നങ്ങൾ എന്നിവയ്ക്ക് ഒരു പരിധിവരെ പരിഹാരം നൽകുന്നു.
