എത്ര തടികൂടുമെന്നും വയർ ചാടുമെന്ന് പറഞ്ഞാലും ചോറില്ലാതെ മലയാളിക്ക് ജീവിക്കാനാവില്ല. ഒരു ദിവസം ചോറ് കഴിച്ചില്ലെങ്കിൽ ഭക്ഷണമേ കഴിച്ചിട്ടില്ലാത്ത പോലെയാണെന്ന് പലരും പറയാറുണ്ട്.
എന്നാലിനി ചോറിലെ കൊഴുപ്പിനെയും ഗ്‌ളൂക്കോസിനെയും പേടിക്കാതെ ചോറ് കഴിക്കാം. അരി വയ്ക്കുമ്പോൾ ഒരു സ്പൂൺ വെളിച്ചെണ്ണ കൂടി ചേർക്കു. ചോറിലെ കൊഴുപ്പിൻറെ പത്ത് മുതൽ അൻപത് ശതമാനം വരെ കൊഴുപ്പ് കുറയ്ക്കാൻ ഇത് വഴി കഴിയും. ചോറിലെ ഗ്‌ളൂക്കോസിൻറെ തോത് കുറയ്ക്കാനും ഇത് വഴി സാധിക്കും.
വെളിച്ചെണ്ണയൊഴിച്ചു പാചകം ചെയ്ത ചോറ് ഫ്രീസറിൽ കൂടി വയ്ക്കുമ്പോൾ പെട്ടെന്നു ദഹിയ്ക്കുന്ന അന്നജം പ്രതിരോധക അന്നജമായി മാറും. അതായത് കൊഴുപ്പ് ശരീരത്തിൽ പെട്ടെന്നലിഞ്ഞു ചേരില്ല. ഇത് തടി കുറയ്ക്കാൻ സഹായകമാകും
വെളിച്ചെണ്ണ ചേർക്കുമ്പോൾ വെളിച്ചെണ്ണ സ്റ്റാർച്ചിലേയ്ക്കു കടന്നുചെല്ലുന്നു. ഇതുവഴി ദഹനരസങ്ങൾക്ക് അരിയിലെ ഷുഗറിനെ വലിച്ചെടുക്കാൻ സാധിയ്ക്കില്ല. ചോറു തണുപ്പിയ്ക്കുമ്പോൾ അരിയിലെ അമിലോസ് മൂലകങ്ങളായി മാറും. ഇതു വഴിയും ഇതിലെ ഷുഗർ ശരീരത്തിൽ അലിഞ്ഞു ചേരാതിരിയ്ക്കും.
ചോറ് പ്രമേഹ രോഗികൾക്ക് ശത്രുവാണെന്നു വേണം, പറയാൻ. രക്തത്തിലെ ഗ്ലൂക്കോസ് തോതു പെട്ടെന്നുയരുവാൻ ഇത് കാരണമാകും. ഇതിനുളള നല്ലൊരു പരിഹാരമാണ് വെളിച്ചെണ്ണ ചേർത്തു ചോറുണ്ടാക്കുന്നത്. വെളുത്ത അരി പൊതുവെ പ്രമേഹത്തിനു നല്ലതല്ലെന്നു പറയും. ഇത് രക്തത്തിലെ ഗ്ലൂക്കോസ് തോത് കൂട്ടും. എന്നാൽ വെളുത്ത ചോറിൽ വെളിച്ചെണ്ണ ചേർത്തു തയ്യാറാക്കിയാൽ ഇത് രക്തത്തിലെ ഗ്ലൂക്കോസ് തോതു കുറയ്ക്കും
ചോറ് നമ്മുടെ ഇഷ്ടആഹാരം ആയത് കൊണ്ട് തന്നെ ഇത് വയ്ക്കാൻ എല്ലാവർക്കും അറിയാം. എന്നാൽ ചോറ് വയ്ക്കുമ്പോൾ നമ്മൾ ചില തെറ്റുകൾ വരുത്താറുണ്ടെന്ന് പറഞ്ഞാൽ വിശ്വസിക്കാനാകുമോ?
അരി പാകം ചെയ്യുന്നതിന് മുൻപ് നന്നായി കഴുകിവൃത്തിയാക്കണം. പലരും ഒറ്റ വെള്ളത്തിലാണ് അരി കഴുകുന്നത്. ഇത് പാചകം ചെയ്യുമ്പോൾ അവ ഒട്ടിപ്പിടിക്കാൻ ഇടയാക്കും. ഇത് ഒഴിവാക്കാൻ നിങ്ങൾ ധാന്യങ്ങൾ കുറഞ്ഞത് 3-4 തവണ തണുത്ത വെള്ളത്തിനടിയിൽ കഴുകണം. ഇത് പാകം ചെയ്ത ചോറിനെ മൃദുവാക്കും.
വ്യത്യസ്ത തരം ധാന്യങ്ങൾക്ക് പ്രത്യേക ജല അനുപാതം ആവശ്യമാണ്. ഉദാഹരണത്തിന്, നീളമുള്ള അരിയുടെ കാര്യത്തിൽ, വെളുത്ത അരിക്ക് 2:1 വെള്ളം-അരി അനുപാതം ആവശ്യമാണ്.
ചെറിയ ധാന്യങ്ങൾക്ക് കൂടുതൽ വെള്ളം ആവശ്യമാണ്. ഇത് അവഗണിച്ചാൽ, വേവ് കുറഞ്ഞതും മൃദുവല്ലാത്തതുമായ ചോറാണ് ലഭിക്കുക. തവിട്ട് അരി, വെളുത്ത അരിയെക്കാൾ പാകം ചെയ്യാൻ കൂടുതൽ സമയമെടുക്കും. മട്ട അരി പാകം ചെയ്യുമ്പോൾ, വെള്ള അരിയിൽ ഉപയോഗിക്കുന്നതിനേക്കാൾ കാൽ കപ്പ് മുതൽ അര കപ്പ് വരെ കൂടുതൽ വെള്ളം ഉപയോഗിക്കണം. വെളുത്ത അരി പാകം ചെയ്യാൻ 15 മിനിറ്റ് ആണെങ്കിൽ തവിട്ട് അരിക്ക് 50 മിനിറ്റ് വേണ്ടി വന്നേക്കാം.
അരി പാകം ചെയ്യുന്നതിന് സമയമെടുക്കും. എന്ന് കരുതി ഉയർന്ന തീയിൽ വെക്കുന്നത് നല്ലതല്ല. അരി പാകം ചെയ്യാനുള്ള ഏറ്റവും നല്ല മാർഗം ആദ്യം വെള്ളം തിളപ്പിക്കുക, തീ കുറയ്ക്കുക, തുടർന്ന് കഴുകിയ അരി ചേർക്കുക എന്നതാണ്. പാകം ചെയ്തുകഴിഞ്ഞാൽ ചോറ് വാർക്കാതെ 5 മിനിറ്റ് വയ്ക്കുക.
