മലപ്പുറം: കേരളത്തിൽ നിന്നും ബി ജെ പി ലോക് സഭാ സ്ഥാനാർത്ഥികളെ പ്രഖ്യാപിച്ചപ്പോൾ എല്ലാവരുടെയും കണ്ണിലുടക്കിയ ഒരു പേരായിരുന്നു മലപ്പുറത്ത് നിന്നുള്ള അബ്ദുൾ സലീമിന്റെത്. ദേശീയ തലത്തിൽ തന്നെ മാദ്ധ്യമങ്ങൾ കാലിക്കറ്റ് യൂണിവേഴ്സിറ്റിയുടെ ഈ മുൻ വൈസ് ചാൻസലറുടെ ഈ പേര് ചർച്ചയാക്കി. ആരാണ് മലപ്പുറത്തെ ബി ജെ പി സ്ഥാനാർത്ഥി അബ്ദുൽ സലാം, നമുക്ക് പരിശോധിക്കാം
ആരാണ് അബ്ദുൾ സലാം?
2011 മുതൽ 2015 വരെ കാലിക്കറ്റ് സർവകലാശാലയുടെ വൈസ് ചാൻസലറായി സേവനമനുഷ്ഠിച്ച,
മലപ്പുറം തിരൂർ സ്വദേശിയായ അബ്ദുൾ സലാമിന് ശ്രദ്ധേയമായ അക്കാദമിക്, പ്രൊഫഷണൽ പശ്ചാത്തലമാണുള്ളത്
2018 വരെയായി അദ്ധേഹം 153 ഗവേഷണ പ്രബന്ധങ്ങളും 15 അവലോകന ലേഖനങ്ങളും പ്രസിദ്ധീകരിച്ചിട്ടുണ്ട്. അതോടൊപ്പം 13 പുസ്തകങ്ങളുടെ രചയിതാവുമാണ്. അദ്ദേഹത്തിൻ്റെ സമൂഹമാധ്യമ പ്രൊഫൈൽ പരിശോധിക്കുകയാണെങ്കിൽ അദ്ദേഹം ജീവശാസ്ത്രത്തിൽ നൽകിയ സ്തുത്യർഹമായ സംഭാവനകൾ അതിൽ നമുക്ക് അതിൽ കാണാൻ സാധിക്കും.
അദ്ദേഹത്തിൻ്റെ വെളിപ്പെടുത്തിയ ആസ്തി 6.47 കോടി രൂപയാണ്, അദ്ദേഹത്തിനെതിരെ ഇതുവരെ ക്രിമിനൽ കേസുകളൊന്നും റിപ്പോർട്ട് ചെയ്യപ്പെട്ടിട്ടില്ല.
