ഇവയാണ് ലോകത്തിലെ ഏറ്റവും വിലകൂടിയ വീടുകൾ; വില കേട്ടാൽ നിങ്ങൾ ഞെട്ടും

പലരുടെയും ഏറ്റവും വലിയ സ്വപ്‌നമാണ് സ്വന്തമായി ഒരു വീട്. തങ്ങളുടെ വീട് മനോഹരമാക്കാനായി എത്ര പണം ചിലവഴിക്കാനും ഇന്നത്തെ കാലത്തെ ആളുകൾക്ക് മടിയില്ല. എന്നാൽ, ലോകത്തിലെ ഏറ്റവും വില കൂടിയ വീടുകൾ ഏതൊക്കെയാണെന്ന് നിങ്ങൾക്ക് അറിയാമോ?

ബക്കിംഗ്ഹാം കൊട്ടാരം

ലോകത്തിലെ ഏറ്റവും വിലകൂടിയ വീടുകളിൽ ഒന്നാണ് ബക്കിംഗ്ഹാം കൊട്ടാരം. 4900 മില്യൺ ഡോളറാണ് ഈ വീടിന്റെ മൂല്യം. ലണ്ടന്റെ മദ്ധ്യഭാഗത്താണ് അത്യാഡംബരമായ ഈ കൊട്ടാരം സ്ഥിതി ചെയ്യുന്നത്.

775 മുറികളാണ് ഈ വീടിനുള്ളത്. ഇതിൽ സ്‌റ്റേറ്റ് റൂമുകൾ, 52 റോയൽ ഗസ്റ്റ് റൂമുകൾ, 188 സ്റ്റാഫ് ബെഡ്‌റൂമുകൾ, 92 ഓഫീസുകൾ, 78 ബാത്തറൂമുകൾ എന്നിവയാണ് ബക്കിംഗ്ഹാം കൊട്ടാരത്തിൽ ഉള്ളത്. 108 മീറ്ററും ഉയരം 120 മീറ്ററുമാണ് ബക്കിംഗ്ഹാം കൊട്ടാരത്തിന്റെ നീളം. രാജകീയ വിരുന്നുകൾ, ഉച്ചഭക്ഷണം, അത്താഴം, റിസപ്ഷനുകൾ, ഗാർഡൻ പാർട്ടികൾ എന്നിവയിൽ അതിഥികളായി ഓരോ വർഷവും 50,000-ത്തിലധികം ആളുകൾ ബക്കിംഗ്ഹാം കൊട്ടാരത്തിൽ പങ്കെടുക്കാറുണ്ട്.

ആന്റിലിയ

മുകേഷ് അംബാനിയുടെ വീടാണ് ആന്റിലിയ. 400,000 ചതുരശ്ര അടിയിലാണ് ആന്റിലിയ വ്യാപിച്ചു കിടക്കുന്നത്. 2,000 മില്യൺ ഡോളറാണ് ഈ വീടിന്റെ മൂല്യം. മുംബൈയിലെ കുമ്പള്ള ഹിൽസിലാണ് സ്ഥിതി ചെയ്യുന്നത്. 27 നിലകളാണ് ഈ കൊട്ടാരസമാനമായ വീടിനുള്ളത്. 173 മീറ്ററാണ് ഇതിന്റെ ഉയരം.

വില്ല ലിയോപോൾഡ

ലെബനൻ ബാങ്കർ വില്യം സഫ്രയുടെ ഭാര്യയുടെ വില്ലയായ വില്ല ലിയോപോൾഡയുടെ മൂല്യം 750 മില്യൺ ഡോളറാണ്. 50 ഏക്കറിലാണ് ഈ ബംഗ്ലാവ് വ്യാപിച്ചു കിടക്കുന്നത്. വലിയ പൂന്തോട്ടം, ഒരു നീന്തൽക്കുളം, പൂൾ ഹൗസ്, ഒരു ഔട്ട്‌ഡോർ അടുക്കള, ഒരു ഹെലിപാഡ്, ഒരു ഗസ്റ്റ് ഹൗസ് എന്നിവ ഈ മാളികയിൽ ഉണ്ട്.

വില്ല ലെസ് സെഡ്രെസ്

ഫ്രഞ്ച് റിവിയേരയിലെ വില്ല ലെസ് സെഡ്രെസ് ബെൽജിയം രാജാവിനുവേണ്ടി 1830-ൽ പണികഴിപ്പിച്ചതാണ് വില്ല ലെസ് സെഡ്രെസ്. 450 മില്യൺ ഡോളറാണ് ഈ മാളികയുടെ മൂല്യം.

18,000 ചതുരശ്ര അടി വിസ്തീർണമുണ്ട് വില്ല ലെസ് സെഡ്രെസിന്. 14 കിടപ്പുമുറികൾ, നീന്തൽക്കുളം, 3,000 സസ്യ-പ്രകൃതിശാസ്ത്ര ഗ്രന്ഥങ്ങൾ അടങ്ങിയ മരം കൊണ്ട് നിർമ്മിച്ച ലൈബ്രറി എന്നിവയുണ്ട്. ആമസോണിയൻ ലില്ലി പാഡുകളുള്ള മനുഷ്യനിർമ്മിത കുളം, അഥീനയുടെ വെങ്കല പ്രതിമ, നിലവിളക്ക് കൊളുത്തിയ ബോൾറൂം, 30 കുതിരകൾക്ക് വേണ്ടിയുള്ള കുതിരലായം, ഗംഭീരമായ ഇരിപ്പിടങ്ങൾ, 19-ാം നൂറ്റാണ്ടിലെ ഛായാചിത്രങ്ങൾ ഫ്രെയിമുകൾ, ഒപ്പം അതിശയിപ്പിക്കുന്ന മരപ്പണികൾ എന്നിവയാൽ സമ്പന്നമാണ് വില്ല ലെസ് സെഡ്രെസ്.

ഫോർ ഫെയർഫീൽഡ് പോണ്ട്

ന്യൂയോർക്കിലെ സാഗപോനാക്കിൽ ഇറ റെന്നറുടെ ഉടമസ്ഥതയിലുള്ളതാണ് ഫോർ ഫെയർഫീൽഡ് പോണ്ട്. 420 മില്യൺ ഡോളർ ആണ് ഇതിന്റെ മൂല്യം. 29 കിടപ്പുമുറികൾ, 39 കുളിമുറികൾ, ഒരു ബാസ്‌ക്കറ്റ്ബോൾ കോർട്ട്, സ്‌ക്വാഷ് കോർട്ടുകൾ, ടെന്നീസ് കോർട്ടുകൾ, മൂന്ന് നീന്തൽക്കുളങ്ങൾ, 91 അടിയുള്ള കൂറ്റൻ ഡൈനിംഗ് റൂം എന്നിവയുൾപ്പെടെ 63 ഏക്കർ സ്ഥലത്ത് ആണ് ഈ വീട് നിർമ്മിച്ചിരിക്കുന്നത്.