ലക്നൗ : ഇൻഡി മുന്നണിയ വിമർശിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രാജ്യത്തെ വിഭജിക്കാൻ ഇൻഡി സഖ്യത്തിനും കോൺഗ്രസിനും പദ്ധതിയുണ്ടെന്ന് അദ്ദേഹം പറഞ്ഞു. രാജ്യം ഈ ഗൂഢാലോചന അംഗീകരിക്കുമോ എന്ന് അദ്ദേഹം ചോദിച്ചു. ഉത്തർപ്രദേശിലെ സംഭലിൽ ഒരു പൊതുയോഗത്തിൽ സംസാരിക്കുകയായിരുന്നു യോഗി ആദിത്യനാഥ് .
പ്രധാനമന്ത്രി നരേന്ദ്രമോദിയെ അദ്ദേഹം പ്രശംസിക്കുകയും ചെയ്തു. നമ്മുടെ രാജ്യം ഇപ്പോൾ എല്ലായിടത്തും ബഹുമാനിക്കപ്പെടുന്നു. കൂടാതെ അദ്ദേഹത്തിന്റെ 10 വർഷത്തെ ഭരണം സ്വതന്ത്ര ഇന്ത്യയുടെ സുവർണ്ണ കാലഘട്ടമാണ്. എല്ലാ മേഖലകളിലും ഇന്ത്യ ഇന്ന് പുരോഗമിച്ചിരിക്കുന്നു. അതിവേഗമാണ് ഇന്ത്യ പുരോഗമിക്കുന്നത് എന്നും അദ്ദേഹം കൂട്ടിച്ചേർത്തു.
അതേസമയം മോദി മൂന്നാം തവണയും അധികാരത്തിലേക്ക് എത്തുമെന്നും അദ്ദേഹം ആത്മവിശ്വാസം പ്രകടിപ്പിച്ചു. രാജ്യത്തെ ജനങ്ങൾ അഴിമതിയില്ലാത്ത പാർട്ടി അവരെ നയിക്കണം എന്നാണ് ആഗ്രഹിക്കുന്നത് എന്നും അദ്ദേഹം ചൂണ്ടികാട്ടി.
