തിരുവനന്തപുരത്തെ വെള്ളക്കെട്ടിൽ ജനം വലയുന്നതിനിടയിൽ മമ്മൂട്ടി ചിത്രത്തിന്റെ അഭിപ്രായം ആരാഞ്ഞ് എംഎൽഎ ; ശ്രീജിത്ത് പണിക്കരുടെ മറുപടി വൈറൽ

തിരുവനന്തപുരം : തിരുവനന്തപുരവും പരിസരപ്രദേശങ്ങളും അടക്കം കേരളത്തിലെ പല മേഖലകളും രൂക്ഷമായ വെള്ളക്കെട്ടിൽ വലയുകയാണ്. വട്ടിയൂർക്കാവ് മണ്ഡലത്തിലും സ്ഥിതി വ്യത്യസ്തമല്ല. എന്നാൽ അതേസമയം വട്ടിയൂർക്കാവിലെ എംഎൽഎക്ക് ആശങ്ക മമ്മൂട്ടിയുടെ പുതിയ ചിത്രത്തെ കുറിച്ചാണ്. പുതിയ മമ്മൂട്ടി ചിത്രമായ ടാർബോ എങ്ങനെയുണ്ട് എന്ന് ഫേസ്ബുക്കിൽ ഒരു പോസ്റ്റ് ഇട്ടത് മാത്രമേ വട്ടിയൂർക്കാവ് എംഎൽഎ വികെ പ്രശാന്തിന് ഓർമ്മയുള്ളൂ. സൈബർ ലോകത്ത് പിന്നീട് അങ്ങോട്ട് ട്രോളുകളുടെ പെരുമഴയായിരുന്നു.

വി കെ പ്രശാന്ത് എംഎൽഎയുടെ ആശങ്കയ്ക്ക് ശ്രീജിത്ത് പണിക്കർ കൊടുത്ത മറുപടി ആണ് സമൂഹമാദ്ധ്യമങ്ങളിൽ വൈറലായത്. ടർബോ എങ്ങനെയുണ്ട് എന്ന എംഎൽഎയുടെ ചോദ്യത്തിന് മണ്ഡലത്തിലെ വെള്ളക്കെട്ടിന്റെ അത്ര പോരാ സഖാവേ എന്നാണ് ശ്രീജിത്ത് പണിക്കർ പ്രതികരിച്ചത്. ഇതോടെ എംഎൽഎയുടെ പോസ്റ്റിനേക്കാൾ കൂടുതൽ റീച്ച് നേടി ശ്രീജിത്ത് പണിക്കരുടെ പ്രതികരണം മുന്നേറുകയാണ്.