കോഴിക്കോട്: ആരോഗ്യ മന്ത്രി വീണാ ജോർജ്ജിന് കാർ അപകടത്തിൽ പരിക്ക് . വായനാടേക്കുള്ള യാത്രാമധ്യേയാണ് മന്ത്രിയുടെ വാഹനത്തിന് നിയന്ത്രണം നഷ്ടമായത്. ബുധനാഴ്ച രാവിലെ ഏഴോടെ മഞ്ചേരിയിൽ വച്ചാണ് അപകടമുണ്ടായത്. പരിക്കേറ്റ മന്ത്രിയെ മഞ്ചേരി മെഡിക്കൽ കോളേജിൽ പ്രവേശിപ്പിച്ചു.
വയനാട്ടിലേക്കുള്ള യാത്രക്കിടെ മന്ത്രിയുടെ വാഹനം നിയന്ത്രണം നഷ്ടപ്പെട്ട് പോസ്റ്റിലിടിക്കുകയായിരിന്നു . മന്ത്രിയുടെ തലക്കും കൈക്കും പരിക്കേറ്റിട്ടുണ്ട്. അതെ സമയം മന്ത്രിയുടെ പരിക്കുകൾ സാരമുള്ളതല്ലെന്ന് ആരോഗ്യവകുപ്പ് അറിയിച്ചു.
മന്ത്രിയുടെ കാറുമായി കൂട്ടിയിടിച്ച ബൈക്കിലുണ്ടായിരുന്നവർക്ക് സാരമായി പരുക്കേറ്റെന്നാണ് വിവരം. ബൈക്കിലുണ്ടായിരുന്ന സ്ത്രീയുടെ തലയ്ക്ക് പരുക്കേറ്റു. പരുക്കേറ്റവരെയും മഞ്ചേരി മെഡിക്കൽ കോളജിൽ എത്തിച്ചിട്ടുണ്ട്.
