നിരവധി വീഡിയോകള്‍ ദിവസവും സോഷ്യല്‍മീഡിയയില്‍ വൈറലായി മാറാറുണ്ട്. ഇപ്പോഴിതാ അത്തരത്തിലുള്ള ഒരു വീഡിയോയാണ് ചര്‍ച്ചയാകുന്നത്. മനുഷ്യരും മൃഗങ്ങളുമായി എത്ര അടുത്തിടപഴകാന്‍ സാധിക്കുമെന്നാണ് ഈ വീഡിയോ കാണിച്ചുതരുന്നത്.
വീഡിയോ സോഷ്യല്‍ മീഡിയയില്‍ പങ്കുവച്ചിരിക്കുന്നത് nextfuckinglevel എന്ന യൂസറാണ്. റെഡ്ഡിറ്റിലാണ് വീഡിയോ പങ്കുവച്ചിരിക്കുന്നത്. വീഡിയോയില്‍ കാണുന്നത് ഒരാള്‍ ജിറാഫ് അടക്കമുള്ള മൃഗങ്ങള്‍ക്കിടയില്‍ ഇരുന്നുകൊണ്ട് തന്റെ ഭക്ഷണം കഴിക്കുന്നതാണ്.
ഒപ്പം തന്നെ ആ മൃഗങ്ങള്‍ക്ക് ഭക്ഷണം കൊടുക്കുന്നതും വീഡിയോയില്‍ കാണാം. മാന്‍, ജിറാഫ്, സീബ്ര തുടങ്ങിയ മൃഗങ്ങളെയാണ് ഇവിടെ കാണുന്നത്. ആ മൃഗങ്ങള്‍ക്കിടയില്‍ ഇരുന്നുകൊണ്ട് യുവാവ് ചായ പോലെ എന്തോ ഒരു പാനീയം കുടിക്കുന്നത് കാണാം.
അത് കുടിക്കുന്നതിനിടയില്‍ ഒരു പാത്രത്തില്‍ ഭക്ഷണവുമായി മൃഗങ്ങളുടെ ഇടയില്‍ നില്‍ക്കുന്നതും അവയും അതില്‍ നിന്നും ഭക്ഷണം കഴിക്കുന്നതും വീഡിയോയില്‍ വ്യക്തമാണ്. വളരെ പെട്ടെന്നാണ് വീഡിയോ ശ്രദ്ധിക്കപ്പെട്ടത്. നിരവധിപ്പേര്‍ വീഡിയോയ്ക്ക് കമന്റുകളുമായി എത്തുകയും ചെയ്തു.
‘ആഫ്രിക്കയില്‍ നിന്നാണ് എന്ന് പറയുമ്പോള്‍ ഇങ്ങനെയാണ് ജീവിക്കുന്നത് എന്നാണ് കരുതുന്നത്’ എന്നാണ് ചിലര്‍ രസകരമായ കമന്റ് നല്‍കിയിരിക്കുന്നത്. ‘ഇതൊരു ടിക്ടോക്കറായിരിക്കണം. ഇന്ന് പല വീഡിയോ എഫക്ടുകളും നിലവിലുണ്ട്. സോഷ്യല്‍ മീഡിയയില്‍ കാണുന്ന എല്ലാം വിശ്വസിക്കണ്ട’ എന്ന് കമന്റ് നല്‍കിയവരും ഉണ്ട്. അതേസമയം, യുവാവ് സ്ഥിരമായി ജിമ്മില്‍ പോകുന്ന ആളാണ് എന്ന് തോന്നുന്നുവെന്നും ചിലര്‍ പറയുന്നു.
man casually having a meal surrounded by wild animals and feeding them
byu/astralrig96 innextfuckinglevel
