ന്യൂഡൽഹി : റഷ്യയിലെയും യുക്രൈയ്നിലെയും ഉന്നത നേതാക്കളുമായി പ്രധാനമന്ത്രി നരേന്ദ്ര മോദി നടത്തിയ കൂടിക്കാഴ്ചകൾ ആശയവിനിമയ പ്രക്രിയയുടെ തുടക്കമായിരുന്നുവെന്ന് വിദേശകാര്യ മന്ത്രി എസ് ജയശങ്കർ . രണ്ട് നേതാക്കളോടും സംസാരിക്കാൻ ‘കഴിവ്’ ഉള്ള ചുരുക്കം ചില ലോക നേതാക്കളിൽ ഒരാളാണ് പ്രധാനമന്ത്രി മോദിയെന്ന് ജയശങ്കർ പറഞ്ഞു.ദി കോൺക്ലേവ് 2024-ലെ ഒരു സംവേദനാത്മക സെഷനിൽ സംസാരിക്കുകയായിരുന്നു അദ്ദേഹം.
സംഘർഷത്തിൽ ഇന്ത്യ എന്താണ് ചെയ്തത് എന്ന് ചോദിച്ചാൽ ഞങ്ങൾ യഥാർത്ഥത്തിൽ ഒരേസമയം സംഘർഷം നേരിടുന്ന രണ്ട് രാജ്യങ്ങളുമായി സംസാരിക്കുകയാണ്. സംഘർഷത്തിൽ ‘മധ്യസ്ഥത വഹിക്കുകയാണ് ചെയ്യുന്നത് എന്ന് ഇന്ത്യയുടെ പങ്കിനെക്കുറിച്ചുള്ള ചോദ്യത്തിന് മറുപടി പറഞ്ഞു .
യുക്രൈയ്ൻ പ്രസിഡന്റ് വോളോദിമർ സെലൻസ്‌കിയുമായി പ്രധാനമന്ത്രി കുറഞ്ഞത് മൂന്ന് തവണ കൂടിക്കാഴ്ച നടത്തിയിട്ടുണ്ട്. റഷ്യൻ പ്രസിഡന്റ് വ്ളാഡിമിർ പുടിനുമായി ഒരു തവണ കൂടിക്കാഴ്ചയും നടത്തിയിട്ടുണ്ട്. സെലെൻസ്‌കിയുമായി മോദി നടത്തിയ ചർച്ചകളെക്കുറിച്ച് വിശദീകരിക്കാൻ ദേശീയ സുരക്ഷാ ഉപദേഷ്ടാവ് അജിത് ഡോവലും സെപ്തംബറിൽ പുടിനെ കണ്ടിരുന്നു എന്നും അദ്ദേഹം കൂട്ടിച്ചേർത്തു.
റഷ്യ – യുക്രൈയ്ൻ സംഘർഷം മൂന്നാം വർഷത്തിലേക്ക് കടന്നിരിക്കുകയാണ്. ലോകമെമ്പാടും വലിയ സാമ്പത്തിക പ്രത്യാഘാതങ്ങളാണ് സംഘർഷത്താൽ ഉണ്ടാക്കിയിരിക്കുന്നത്. കുറെ യധികം ആളുകളുടെ ജീവൻ നഷ്ടപ്പെടുകയും ചെയ്തു .നിങ്ങൾക്ക് ഒന്നുകിൽ ഈ സംഘർഷം കാണുകയും ഞങ്ങൾക്ക് ഒന്നും ചെയ്യാൻ കഴിയില്ലെന്ന് പറഞ്ഞിരിക്കാ. യുദ്ധം അവസാനിക്കുമ്പോൾ ഇത് അവസാനിച്ചു എന്ന് പറയുകയും ചെയ്യാം. എന്നാൽ ഇന്ത്യ അങ്ങനെയല്ല. യുദ്ധം അവസാനിപ്പിക്കാൻ ഇന്ത്യയ്ക്ക് ചെയ്യാൻ കഴിയുന്നത് എല്ലാം ചെയ്യും. കാരണം അങ്ങനെയുള്ള ഒരു പ്രധാനമന്ത്രിയാണ് ഞങ്ങൾക്ക് ഉള്ളത്. ഇന്ത്യ ചെയ്യുന്നതിനെ ലോക നേതാക്കൾ പിന്തുണയ്ക്കുന്നുണ്ടെന്നും ജയശങ്കർ കൂട്ടിച്ചേർത്തു.
