സ്ത്രീകളുടെ ഏറ്റവും പ്രധാനപ്പെട്ട ഒരു കാലഘട്ടമാണ് ആർത്തവസമയം. ഒരു പെൺകുട്ടിക്ക് ആർത്തവം ആദ്യമായി തുടങ്ങുന്നതും ആർത്തവ വിരാമവുമെല്ലാം വളരെ പ്രധാനപ്പെട്ട ഒന്നാണ്. ഇതിൽ കൂടുതൽ പ്രധാന്യം ആർത്തവവിരാമത്തിന് തന്നെയാണ്.
ശാരീരികമായും മാനസികമായും വെല്ലുവിളികൾ ഉണ്ടാകുന്ന സമയമാണ് ആർത്തവ വിരാമം എന്നതുകൊണ്ടുതന്നെയാണ് ഈ സമയത്തിന് ഇത്രയേറെ പ്രാധാന്യം കൽപ്പിക്കുന്നത്. സാധാരണയായി ഒരു സ്ത്രീയുടെ 50കളിലാണ് ആർത്തവ വിരാമം സംഭവിക്കുന്നത്. ഒരു സ്ത്രീയിൽ അണ്ഡാശയങ്ങളുടെ പ്രവർത്തന ശേഷി കുറയുകയും ഹോർമോൺ ഉൽപ്പാദനം നിൽക്കുകയും ചെയ്യുമ്പോഴാണ് ആർത്തവം നിലക്കുന്നു.
സാധാരണയായി ആർത്തവ വിരാമം എന്നതിനെ കുറിച്ച് കൃത്യമായ അവബോധത്തിലൂടെയല്ല, ഈയൊരു ഘട്ടത്തിലേക്ക് സ്ത്രീകളെത്തുന്നത്. അതുകൊണ്ട് തന്നെ, ഈ കാലഘട്ടത്തെ നേരിടാൻ സ്ത്രീകൾ വളരെ ബുദ്ധിമുട്ടുന്നു. അതിനാൽ, ഇതിനെ കുറിച്ച് കൃത്യമായ അവബോധമുണ്ടാകേണ്ടത് ഈ സമയത്തുണ്ടാകുന്ന പ്രശ്നങ്ങളെ നേരിടാൻ സഹായിക്കും.
ആർത്തവവിരാമത്തോട് അടുക്കുമ്പോൾ ആർത്തവ ചക്രം ക്രമരഹിതമാകുന്നത് എല്ലാ സ്ത്രീകളിലും സംഭവിക്കാറുള്ള കാര്യമാണ്. ഹോർമോണുകളുടെ അളവിലെ ഏറ്റക്കുറച്ചിലുകൾ മൂലമാണ് ഈ മാറ്റം സംഭവിക്കുന്നത്.
സാധാരണ ആർത്തവസമയത്ത് എല്ലാ സ്ത്രീകളും അനുഭവിക്കുന്ന പ്രശ്‌നമാണ് മൂഡ്‌സ്വിങ്‌സ്. ഹോർമോൺ ഏറ്റക്കുറച്ചിലുകൾ ഉള്ളതുകൊണ്ട് തന്നെ ആർത്തവവിരാമത്തോട് അടുക്കുമ്പോൾ ഇത് കൂടുതലായിരിക്കും. ഈ അവസ്ഥ ഉത്കണ്ഠ, വിഷാദം, അകാരണമായ ദേഷ്യം എന്നിവയിൽേക്ക് നയിച്ചേക്കാം. സ്ത്രീകൾക്ക് കൂടുതൽ വൈകാരികതയുണ്ടാക്കുന്ന സമയം കൂടിയാണിത്. അതുകൊണ്ട് തന്നെ ഇതേക്കുറിച്ച് നേരത്തെ തന്നെ ഒരു അവബോധം സ്ത്രീകൾക്കും അവരുടെ ചുറ്റുമുള്ളവറക്കും ഉണ്ടാവേണ്ടത് അത്യാവശ്യമാണ്. അങ്ങനെയാണെങ്കിൽ ഒരു പരിധി വരെ, ഈ അവസ്ഥയെ നിയന്ത്രിക്കാം..
ആർത്തവ വിരാമത്തോട് അടുക്കുന്ന സമയത്ത് ചില സ്ത്രീകൾ ഉറക്കക്കുഹവും നേരിട്ടേക്കാം. ശരിയായ ഉറക്കം കിട്ടാത്തത് പല പ്രശ്‌നങ്ങളും സൃഷ്ടിച്ചേക്കാം. രാത്രിയിൽ ഇടക്കിടെ ഉണരുക, ഉറങ്ങാൻ ബുദ്ധിമുട്ട് എന്നിവ സാധാരണ പ്രശ്‌നങ്ങളാണ്. മികച്ച ഉറക്കം ലഭിക്കുന്നതിനായി ശരിയായ ഭക്ഷണവും വ്യായായവും തന്നെയാണ് പരിഹാരം.
ആർത്തവിരാമ സമയത്ത് ചില സ്ത്രീകൾക്ക് ശരീര ഭാരം വർദ്ധിക്കാറുണ്ട്. അടിവയർ ചാടുന്നതും ഇതിന്റെ ലക്ഷണമാണ്. മെറ്റബോളിസം, ഹോർമോൺ വ്യതിയാനം എന്നിവയൊക്കെയാണ് ഇതിന്റെ കാരണങ്ങൾ. മികച്ച വ്യായാമവും ഭക്ഷണ നിയന്ത്രണവും ശ്രദ്ധിച്ചാൽ ഒരു പരിധി വരെ ഈ പ്രശ്‌നത്തിനും പരിഹാരം കാണാം.
ആർത്തവ വിരാമത്തിന്റെ സമയത്ത് പലർക്കും ശരീരത്തിന് അമിതമായി ചൂട് ഉയരാനിടയുണ്ട്. രാത്രി സമയങ്ങളിൽ ശരീരം അമിതമായി വിയർക്കുകയും ചെയ്യും.
