സാധാരണ മിക്ക വീടുകളിലെയും ഏറ്റവും വലിയ ശല്യക്കാരാണ് കൊതുകുകൾ. നാട്ടിൻപുറങ്ങളിലായാലും നഗരങ്ങളിലായാലും ഈ ഇത്തിരിക്കുഞ്ഞന്മാരെ കൊണ്ട് വലിയ തലവേദനയാണ്. കൊതുകു ശല്യം കാരണം മിക്കവരും വീടിന്റെ ജനലുകളിലും വാതിലുകളിലും എല്ലാം നെറ്റുകൾ വയ്ക്കാറാണ് പതിവ്. ഇതോടൊപ്പം കൊതുകു തിരിയും മെഷീനും ഉൾപ്പെടെ പലതരം കെമിക്കലുകളും ഉപയോഗിക്കാറുണ്ട്. എങ്കിലും പലപ്പോഴും ഇവയിൽ നിന്നും രക്ഷപ്പെടാൻ പലപ്പോഴും സാധിക്കാറില്ല… കെമിക്കലുകൾ ഉപയോഗിക്കുമ്പോഴാണെങ്കിൽ പല തരത്തിലുള്ള പാർശ്വഫലങ്ങളും ഉണ്ടാകുന്നു.
എന്നാൽ, ഇത്തരം കെമിക്കലുകൾ ഇല്ലാതെ തന്നെ കൊതുകുകളെ വീടിന്റെ പരിസരത്ത് നിന്നു തന്നെ ഓടിക്കാം… എന്തൊക്കെയാണ് കൊതുകിെന തുരത്താനുള്ള എളുപ്പവഴിയെന്ന് നോക്കാം…
ജീരകം, വെളുത്തുള്ളി, മഞ്ഞൾപൊടി, വെളിച്ചെണ്ണ, എന്നിവയാണ് ഇതിന് ആവശ്യമുള്ളത്.
ആദ്യം, ഒരു ടേബിൾ സ്പൂൺ ജീരകം നന്നായി വറുത്തെടുക്കുക. ഇത് തണുക്കാനായി അൽപ്പനേരം മാറ്റി വയ്ക്കണം. ജീരകം തണുക്കുമ്പോൾ അതിലേക്ക് അഞ്ച് അല്ലി വെളുത്തുള്ളി ചേർത്ത് അരച്ചെടുക്കുക. ഇത് ഒരു പാത്രത്തിലേക്ക് മാറ്റിയതിന് ശേഷം, ഒരു ടേബിൾ സ്പൂൺ മഞ്ഞൾ പൊടിയും ഒരു ടേബിൾ സ്പൂൺ വെളിച്ചെണ്ണയും ചേർത്ത് മിക്‌സ് ചെയ്യുക.
കൊതുക് ശല്യം വല്ലാതെ, രൂക്ഷമായ രീതിയിൽ വേണം ഈ വിദ്യ പരീക്ഷിക്കാൻ.. തയ്യാറാക്കി വച്ച മിശ്രിതം ഒരു മൺചിരാതിലോ വിളക്കിലോ വച്ച ശേഷം, അൽപ്പം എണ്ണ ഒഴിച്ച് തിരിയിട്ട് അത്തിക്കുക. ഇങ്ങനെ ചെയ്താൽ നിമിഷങ്ങൾക്കുള്ളിൽ തന്നെ കൊതുക് സ്ഥലം വിടും. മഴക്കാലത്ത് ഇങ്ങനെ കത്തിച്ചു വയ്ക്കുന്നത് ഏറെ നല്ലതാണ്.
