റിപ്പബ്ലിക് ദിനത്തോടനുബന്ധിച്ച്, കേരളത്തിലേക്ക് സ്പെഷ്യൽ ട്രെയിൻ പ്രഖ്യാപിച്ച് ദക്ഷിണ റെയിൽവേ. ചെന്നൈ സെൻട്രലിൽ നിന്നും തിരുവനന്തപുരം നോർത്തിലേക്കും തിരിച്ചുമാണ് ട്രെയിൻ സർവീസ് പ്രഖ്യാപിച്ചത്. ഇന്ന് രാത്രി ചെന്നൈയിൽ നിന്ന് ട്രെയിൻ പുറപ്പെടും.
ഞായറാഴ്ചയാണ് ട്രെയിനിൻ്റെ മടക്കയാത്ര. അവധി കഴിഞ്ഞ് തിരികെ പോകുന്നവർക്ക് ഈ ട്രെയിനിൽ മടങ്ങാനും കഴിയും. ട്രെയിൻ സമയവും സ്റ്റോപ്പുകളും ടിക്കറ്റ് നിരക്ക് വിശദാംശങ്ങളും അറിയാം…
ട്രെയിൻ നമ്പർ 06057 ചെന്നൈ സെൻട്രൽ – തിരുവനന്തപുരം നോർത്ത് സ്പെഷ്യൽ ട്രെയിൻ ചെന്നൈയിൽ നിന്ന് ഇന്ന് രാത്രി (ജനുവരി 24, വെള്ളിയാഴ്ച) 11:50ന് പുറപ്പെട്ട് നാളെ വൈകീട്ട് 06:05ന് തിരുവനന്തപുരം നോർത്തിൽ (കൊച്ചുവേളി) എത്തിച്ചേരും.
രാത്രി 11:50 ന് എംജിആർ ചെന്നൈ സെൻട്രലിൽ നിന്ന് പുറപ്പെടുന്ന ട്രെയിൻ 12:05ന് പേരമ്പൂരിലെത്തും. തുടർന്ന് തിരുവള്ളൂർ, അരക്കോണം, കാട്പാഡി, ജോളാർപേട്ടൈ, സേലം, ഈറോഡ്, തിരുപ്പൂർ, പൊതനൂർ സ്റ്റേഷനുകൾ പിന്നീട്ട് ശനിയാഴ്ച രാവിലെ 09:40നാണ് ട്രെയിൻ പാലക്കാട് എത്തുക. തൃശൂർ 10:45, ആലുവ 11:36, എറണാകുളം ടൗൺ 12:10, കോട്ടയം 01:17, ചങ്ങനാശേരി 01:49, തിരുവല്ല 01:59, ചെങ്ങന്നൂർ 02:22, മാവേലിക്കര 03:12, കായംകുളം 03:24, കൊല്ലം 04:00 സ്റ്റേഷനുകൾ പിന്നിട്ടാണ്
ട്രെയിൻ 06:05ന് കൊച്ചുവേളിയിലെത്തുക
മടക്കയാത്ര ട്രെയിൻ നമ്പർ 06058 തിരുവനന്തപുരം നോർത്ത് – ചെന്നൈ സെൻട്രൽ സ്പെഷ്യൽ സർവീസ് ഞായറാഴ്ച രാത്രി (ജനുവരി 26) 08:20നാണ് പുറപ്പെടുക. തിങ്കളാഴ്ച ഉച്ചയ്ക്ക് 02:00 മണിയ്ക്ക് ചെന്നൈയിൽ എത്തിച്ചേരുന്ന വിധത്തിലാണ് സർവീസ് ക്രമീകരിച്ചിരിക്കുന്നത്. കൊല്ലം 09:28, കായംകുളം 10:02, മാവേലിക്കര 10:13, ചെങ്ങന്നൂർ 10:26, തിരുവല്ല 10:37, ചങ്ങനാശേരി 10:46, കോട്ടയം 11:07, എറണാകുളം ടൗൺ 12:40, ആലുവ 01:05, തൃശൂർ 02:03 സ്റ്റേഷനുകൾ പിന്നിച്ച് പുലർച്ചെ 03:25ന് ട്രെയിൻ പാലക്കാട് എത്തും. തുടർന്ന് ഈറോഡ് 06:30, സേലം 07:32 തുടങ്ങിയ സ്റ്റേഷനുകൾ പിന്നിട്ട് ഉച്ചയ്ക്ക് 02:00 മണിയ്ക്ക് ചെന്നൈ സെൻട്രലിൽ
എത്തുക.
10 എസി ത്രീ ടയർ കോച്ചുകൾ, ഏഴ് സ്ലീപ്പർ ക്ലാസ് കോച്ചുകൾ ഒരു ഭിന്നശേഷി സൗഹൃദ സെക്കൻഡ് ക്ലാസ് കോച്ച് എന്നിവയാണ് സ്പെഷ്യൽ ട്രെയിനിനുള്ളത്. ചെന്നൈയിൽ നിന്ന് തിരുവന്തപുരത്തേക്ക് സ്ലീപ്പർ കോച്ചിന് 580 രൂപയും ത്രീ ടയർ എസി കോച്ചിന് 1575 രൂപയുമാണ് ടിക്കറ്റ് നിരക്ക്. ചെന്നൈയിൽ നിന്ന് എറണാകുളത്തേക്കാണ് യാത്രയെങ്കിൽ സ്ലീപ്പർ ക്ലാസിന് 485 രൂപയും എസി കോച്ചിന് 1315 രൂപയുമാണ് നിരക്ക്.
