2021-ല്‍ ഗൂഗിള്‍ മാപ്പില്‍ നിന്ന് എടുത്തതാണ് ഈശ്രദ്ധേയമായ ഉപഗ്രഹ ചിത്രം, പസഫിക് സമുദ്രത്തിന്റെ മധ്യത്തിലുള്ള ഒരു വിചിത്രമായ, ത്രികോണാകൃതിയിലുള്ള ദ്വാരം പോലെ തോന്നിക്കുന്ന ഇത്.
അക്കാലത്ത്, ‘ബ്ലാക്ക് ഹോള്‍’ എന്ന് വ്യാപകമായി പരാമര്‍ശിക്കപ്പെട്ടു. ഈ ചിത്രം ഓണ്‍ലൈനില്‍ വ്യാപകമായ അഭ്യൂഹങ്ങള്‍ക്കാണ് തിരികൊളുത്തിയത്. അവസാനം അത് ഇടതൂര്‍ന്ന മരങ്ങളാല്‍ മൂടപ്പെട്ട ഒരു ജനവാസമില്ലാത്ത ദ്വീപാണെന്ന് കണ്ടെത്തുകയായിരുന്നു.
ഈ ഇരുണ്ട ഗര്‍ത്തം പോലെ കാണപ്പെടുന്നത് വോസ്റ്റോക്ക് എന്ന ദ്വീപ് ആണ്. ഇത് ദക്ഷിണ പസഫിക്കിലെ കിരിബതി റിപ്പബ്ലിക്കിനെ ഉള്‍ക്കൊള്ളുന്ന 33 കരപ്രദേശങ്ങളില്‍ ഒന്നാണെന്ന് ബിബിസി അന്ന് റിപ്പോര്‍ട്ട് ചെയ്തു. ഒരു പവിഴപ്പുറ്റായ ദ്വീപിന്റെ വിസ്തീര്‍ണ്ണം വെറും 0.1 ചതുരശ്ര മൈല്‍ (0.25 ചതുരശ്ര കിലോമീറ്റര്‍) ആണ്, ഇത് ഓസ്ട്രേലിയയില്‍ നിന്ന് ഏകദേശം 4,000 മൈല്‍ (6,000 കിലോമീറ്റര്‍) കിഴക്കായി ഈ പ്രദേശം സ്ഥിതിചെയ്യുന്നു.
ഗൂഗിള്‍ മാപ് ചിത്രത്തിലെ കറുത്ത നിറം എന്താണെന്ന് നോക്കാം. അത് ദ്വീപിലെ പിസോണിയ മരങ്ങളുടെ കൂട്ടമാണ്, അവ ദ്വീപിന്റെ ഉള്‍ഭാഗം പൂര്‍ണ്ണമായും നിറയ്ക്കുന്നു. ഈ മരങ്ങള്‍ കടും പച്ചയാണ്,
പിസോണിയ മരങ്ങള്‍ പരസ്പരം വളരെ അടുത്ത് വളരുന്നവയാണ്. അവ പലപ്പോഴും മറ്റ് മരങ്ങളോ സസ്യ ഇനങ്ങളോ അവയ്ക്കിടയില്‍ വേരൂന്നുന്നത് തടയുന്നു, കാരണം അവ വളരെയധികം വെളിച്ചത്തെ തടയുന്നുവെന്നാണ് പഠനങ്ങള്‍ സൂചിപ്പിക്കുന്നത്.
1971 ലെ ഒരു സര്‍വേ പ്രകാരം, ഇവയുടെ ഇടതൂര്‍ന്ന ഇലകള്‍ നോഡികള്‍, ഫ്രിഗേറ്റസുകള്‍ എന്നിവയുള്‍പ്പെടെ വിവിധതരം കടല്‍ പക്ഷികളെയും ആകര്‍ഷിക്കുന്നു. ഈ പക്ഷികളുടെ ശരീരത്തില്‍ ഈ മരങ്ങളുടെ വിത്തുകള്‍ ഒട്ടിപ്പിടിക്കുന്നു. ഇങ്ങനെയാണ് ഇവയുടെ പ്രജനനം നടക്കുന്നത്
വോസ്റ്റോക്ക് ദ്വീപില്‍ മുമ്പ് തന്നെ മനുഷ്യവാസമുള്ളതിന്റെ ഒരു ലക്ഷണവും ഇല്ല. ഈ പ്രദേശത്ത് വിശ്വസനീയമായ ശുദ്ധജല സ്രോതസ്സ് ഇല്ലാത്തതിനാലാണിത്.
