ഇന്ത്യൻ എയർഫോഴ്സ് തദ്ദേശീയമായി വികസിപ്പിച്ച സജീവ ഇലക്ട്രോണിക് സ്കാൻഡ് അറേ റഡാർ ഈ മാസാവസാനം, പ്രദർശിപ്പിക്കും. ചാര ഉപഗ്രഹങ്ങൾ നിരീക്ഷിക്കുന്നതിനും വിവിധ മേഖലകളിലെ മിസൈൽ പരീക്ഷണങ്ങൾ നിരീക്ഷിക്കുന്നതിനും വിവിധ സ്പെക്ട്രങ്ങൾ സ്കാൻ ചെയ്യാനുമുള്ള ശേഷി അറേ റഡാറിനുണ്ട് .
ഈ റഡാറിന്റെ വരവോടെ ഇലക്ട്രോണിക്സ് യുദ്ധത്തിന് അവശ്യഘടകമായ തദ്ദേശീയ ഫോഴ്സ്-മൾട്ടിപ്ലയർ ഉള്ള ചുരുക്കം ചില രാജ്യങ്ങളിൽ ഒന്നായി ഇന്ത്യ മാറി . വികസിപ്പിച്ച എഇഎസ്എ റഡാർ 95% തദ്ദേശീയമാണെന്നും ഇറക്കുമതി ചെയ്ത ഒരു സബ്സിസ്റ്റം മാത്രമാണിതിൽ ഉള്ളതെന്നും ഇലക്ട്രോണിക്സ് ആൻഡ് റഡാർ ഡെവലപ്‌മെന്റ് എസ്റ്റാബ്ലിഷ്‌മെന്റിന്റെ (എൽആർഡിഇ) പ്രോജക്ട് ഡയറക്ടർ ഡി ശേഷഗിരി പറഞ്ഞു . . 100 കിലോമീറ്ററിലധികം പരിധിയിൽ ആകാശത്ത് 50 ലക്ഷ്യങ്ങൾ ട്രാക്ക് ചെയ്യാനും അവയിൽ നാലെണ്ണം ഒരേസമയം ലക്ഷ്യം വയ്ക്കാനും ഈ റഡാറിനു കഴിയും
അടുത്ത അഞ്ച് വർഷത്തിനുള്ളിൽ, തേജസ് , സുഖോയ് യുദ്ധവിമാനങ്ങളിലും ഈ റഡാർ ഉണ്ടാകും . എയ്‌റോനോട്ടിക്കൽ ഡെവലപ്‌മെന്റ് ഏജൻസി (എ‌ഡി‌എ) വികസിപ്പിച്ചെടുത്ത ഭാവി ഇരട്ട എഞ്ചിൻ എഎം‌സി‌എ യുദ്ധവിമാനത്തിനും ഈ റഡാർ ഉണ്ടായിരിക്കും.
സുഖോയ് വിമാനങ്ങളുടെയും കാരിയർ മിഗ് 29 യുദ്ധവിമാനങ്ങളുടെയും റഡാർ കോണിൽ അറേ റഡാർ ഘടിപ്പിക്കും. ഇതിനകം തന്നെ, റഡാറിന്റെ ലീഡ് ഇന്റഗ്രേറ്ററായി എൽആർഡിഇ ഹിന്ദുസ്ഥാൻ എയറോനോട്ടിക്‌സ് ലിമിറ്റഡുമായി ധാരണാപത്രം ഒപ്പുവച്ചിട്ടുണ്ട്.
രണ്ട് തേജസ് യുദ്ധവിമാനങ്ങളിലും ഹോക്കർ സിഡ്‌ലി 800 എക്‌സിക്യൂട്ടീവ് ജെറ്റിലും 250 മണിക്കൂറിലധികം നേരം റഡാർ പരീക്ഷിച്ചു. ഫോഴ്സ് മൾട്ടിപ്ലയർ ഉപയോഗിച്ച് ഈ മാസം ഒരു വിമാനത്തിലും റഡാർ പ്രദർശിപ്പിക്കും. അമേരിക്ക, യൂറോപ്യൻ യൂണിയൻ, ഇസ്രായേൽ, ചൈന എന്നീ രാജ്യങ്ങൾക്ക് മാത്രമാണ് നിലവിൽ എഇഎസ്എ റഡാർ ശേഷിയുള്ളത് .
