അയൽ രാജ്യങ്ങളെ ആക്രമിക്കുന്ന ഇറാന്റെ നടപടിക്കെതിരെ കടുത്ത വിമർശനവുമായി ഹമാസ്. അയൽ രാജ്യങ്ങളെ ലക്ഷ്യം വയ്ക്കുന്നതിൽ നിന്ന് വിട്ടുനിൽക്കണമെന്ന് ഇറാൻ പിന്തുണയോടെ പ്രവർത്തിക്കുന്ന ഭീകര സംഘടനയായ ഹമാസ് ആവശ്യപ്പെട്ടു. അതേസമയം ഇസ്രായേലിനും അമേരിക്കയ്ക്കും എതിരെ സ്വയം പ്രതിരോധിക്കാനുള്ള ഇറാന്റെ അവകാശം അംഗീകരിക്കുന്നതായും ഹമാസ് വ്യക്തമാക്കി.
“അന്താരാഷ്ട്ര മാനദണ്ഡങ്ങൾക്കും നിയമങ്ങൾക്കും അനുസൃതമായി ലഭ്യമായ എല്ലാ മാർഗങ്ങളിലൂടെയും ഈ ആക്രമണത്തിനെതിരെ പ്രതികരിക്കാനുള്ള ഇസ്ലാമിക് റിപ്പബ്ലിക് ഓഫ് ഇറാന് അവകാശമുണ്ട് , എന്നാൽ അയൽ രാജ്യങ്ങളെ ലക്ഷ്യമിടുന്നത് ഒഴിവാക്കാൻ ഇറാനിലെ സഹോദരങ്ങളോട് ഞങ്ങൾ ആഹ്വാനം ചെയ്യുന്നു,” എന്ന് ഹമാസ് ഔദ്യോഗികമായി പുറത്തിറക്കിയ പ്രസ്താവനയിൽ പറയുന്നു.
