തവനൂരിൽ തോൽവി സമ്മതിച്ച് കെ ടി ജലീൽ. വിഎസ് ജോയിക്ക് അഭിനന്ദനങ്ങൾ അറിയിക്കുന്നതായും കെ ടി ജലീൽ വ്യക്തമാക്കി. “‘ജനവിധി അംഗീകരിക്കുന്നു. വി.എസ് ജോയിക്ക് അഭിനന്ദനങ്ങൾ. തവനൂർകാരോട്‌ എന്നും സ്നേഹം മാത്രം. ഇടതുപക്ഷ ചേരിയിൽ ഉറച്ചു നിന്ന് കൂടുതൽ കരുത്തോടെ ജനങ്ങൾക്കൊപ്പമുണ്ടാകും,” എന്ന് കെ ടി ജലീൽ സമൂഹമാധ്യമങ്ങളിൽ പങ്കുവെച്ച പോസ്റ്റിൽ വ്യക്തമാക്കി.
കഴിഞ്ഞ 15 വർഷമായി ജലീൽ ജയിച്ചു വന്നിരുന്ന മണ്ഡലമാണ് തവനൂർ. എൽഡിഎഫിന് കനത്ത വേരോട്ടം ഉള്ളതും ന്യൂനപക്ഷ വോട്ടുകൾ ഭൂരിപക്ഷമുള്ളതുമായ ഈ മണ്ഡലത്തിൽ പക്ഷേ ഇത്തവണ കോൺഗ്രസ് സ്ഥാനാർഥിയായ വിഎസ് ജോയ് ആണ് കനത്ത മുന്നേറ്റം നടത്തിയത്. മലപ്പുറം ജില്ലയിലെ ഡിസിസി പ്രസിഡന്‍റാണ് വി.എസ് ജോയ്.
