തിരുവനന്തപുരം: വിവാദമായ മാസപ്പടി കേസിൽ മുൻ മുഖ്യമന്ത്രിയും പ്രതിപക്ഷ നേതാവുമായപിണറായി വിജയന് എൻഫോഴ്സ്മെന്റ് ഡയറക്ടറേറ്റിന്റെ (ഇഡി) സമൻസ്. തപാൽ മാർഗ്ഗംഅയക്കുന്നതിന് പകരമായി തിരുവനന്തപുരത്തെ അദ്ദേഹത്തിന്റെ സ്വകാര്യ വസതിയിലെത്തി ഇഡിഉദ്യോഗസ്ഥർ സമൻസ് വീടിന്റെ ചുമരിൽ പതിക്കുകയായിരുന്നു. വരുന്ന വെള്ളിയാഴ്ച ചോദ്യംചെയ്യലിനായി കൊച്ചിയിലെ ഓഫീസിൽ ഹാജരാകാനാണ് നിർദേശം.
സിഎംആർഎൽ – എക്സാലോജിക് സാമ്പത്തിക ഇടപാടുമായി ബന്ധപ്പെട്ട കേസിൽ അന്വേഷണംഅതിവേഗത്തിലാക്കിക്കൊണ്ടാണ് കേന്ദ്ര ഏജൻസിയുടെ ഈ നടപടി. ഇഡി സംഘംതിരുവനന്തപുരത്തെ വസതിയിൽ എത്തുമ്പോൾ പിണറായി വിജയനും ഭാര്യയും മകളും വീടിലുണ്ടായിരുന്നില്ല. പിണറായി നിലവിൽ കണ്ണൂരിലാണുള്ളത്. സമൻസ് നേരിട്ടെത്തി വീടിന്റെചുമരിൽ പതിപ്പിച്ച സംഭവം പുറത്തുവന്നതിന് പിന്നാലെ മുൻ മന്ത്രി വി. ശിവൻകുട്ടി ഉൾപ്പെടെയുള്ളപ്രമുഖ സി.പി.എം നേതാക്കൾ പ്രതിപക്ഷ നേതാവിന്റെ വസതിയിലെത്തി സ്ഥിതിഗതികൾവിലയിരുത്തി.
വെള്ളിയാഴ്ച ഹാജരായേക്കില്ലെന്ന് സൂചന
ഇഡി സമൻസ് ലഭിച്ചെങ്കിലും പിണറായി വിജയൻ വരുന്ന വെള്ളിയാഴ്ച ചോദ്യം ചെയ്യലിന്ഹാജരായേക്കില്ലെന്നാണ് ലഭിക്കുന്ന വിവരം. നിലവിൽ നിയമസഭാ സമ്മേളനം നടന്നുകൊണ്ടിരിക്കുന്നതും, സുപ്രീംകോടതിയിൽ കേസിന്റെ വാദം വരാനിരിക്കുന്നതും ചൂണ്ടിക്കാട്ടിഅദ്ദേഹം ഇഡിക്ക് മറുപടി നൽകിയേക്കും.
നിയമസഭാ സമ്മേളനം ഈ മാസം 29 വരെ നീളുന്നതിനാൽ പ്രതിപക്ഷ നേതാവിന് സഭയിൽപങ്കെടുക്കേണ്ടതുണ്ടെന്ന് ചൂണ്ടിക്കാട്ടാനാണ് തീരുമാനം. കൂടാതെ, ഹൈക്കോടതി വിധികളുംഎഫ്ഐആറും റദ്ദാക്കണമെന്ന് ആവശ്യപ്പെട്ട് സുപ്രീംകോടതിയിൽ നൽകിയ ഹർജിയും പിണറായിചൂണ്ടിക്കാണിക്കും. സുപ്രീംകോടതിയിൽ നൽകിയ ഹർജിയിൽ അടിയന്തര വാദം കേൾക്കണമെന്ന്അഭിഭാഷകൻ ആവശ്യപ്പെട്ടിട്ടുണ്ടെങ്കിലും അവധിയായതിനാൽ 26 വരെ കേസ് ലിസ്റ്റ് ചെയ്തിട്ടില്ല. പ്രത്യേക ബെഞ്ച് രൂപീകരിക്കുന്നത് ചീഫ് ജസ്റ്റിസിന്റെ പരിഗണനയിലാണ്. 23-ന്ഹാജരാകാതിരിക്കുകയും 26-ന് സുപ്രീംകോടതിയിൽ നിന്ന് സ്റ്റേ ലഭിക്കുകയും ചെയ്താൽഇഡിയുടെ പെട്ടട്ടുള്ള ചോദ്യം ചെയ്യലിൽ നിന്ന് തത്ക്കാലം ഒഴിവാകാമെന്നാണ് നിയമവിദഗ്ധരുടെവിലയിരുത്തൽ.
അന്വേഷണം ശക്തമാക്കി കേന്ദ്ര ഏജൻസി
സിഎംആർഎല്ലിൽ നിന്ന് പ്രതിമാസ പണമിടപാടിലൂടെ വീണയുടെ കമ്പനി 3.28 കോടി രൂപകൈപ്പറ്റിയെന്ന കേസിൽ പിണറായി വിജയനെ ഒന്നാം പ്രതിയാക്കിയാണ് ഇഡി പുതിയ ഇസിഐആർരജിസ്റ്റർ ചെയ്തിരിക്കുന്നത്. ഈ തുക അന്നത്തെ മുഖ്യമന്ത്രിയായിരുന്ന പിണറായി വിജയനുള്ളകൈക്കൂലിയാണെന്നാണ് ഇഡിയുടെ കണ്ടെത്തൽ.വിജിലൻസ് കേസെടുത്തതിന് പിന്നാലെയാണ്ഇഡിയും അന്വേഷണം ശക്തമാക്കിയത്. കേസിൽ ടി. വീണ ഉൾപ്പെടെയുള്ള മറ്റ് പ്രതികളെയുംവരുന്ന ദിവസങ്ങളിൽ വീണ്ടും ചോദ്യം ചെയ്തേക്കുമെന്നാണ് സൂചന. ഹവാല ഇടപാടതുമായിബന്ധപ്പെട്ട് മറ്റൊരു പ്രതിയായ മുഹമ്മദ് റിയാസിനെതിരെയുള്ള ഇസിഐആർ അന്വേഷണവുംപുരോഗമിക്കുകയാണ്.
