ഡൽഹി നിയമസഭാ തിരഞ്ഞെടുപ്പിലെ ദയനീയ പരാജയത്തെ തുടർന്ന് കോൺഗ്രസിനെ വിമർശിച്ച് നേതാവ് ജോതിരാദിത്യ സിന്ധ്യ. തിരഞ്ഞെടുപ്പ് പരാജയത്തെ തുടർന്ന് പ്രതികരിക്കുകയായിരുന്നു സിന്ധ്യ. കോൺഗ്രസിന്റെ നയങ്ങൾ മാറ്റേണ്ട കാലം അതിക്രമിച്ചിരിക്കുന്നുവെന്നും, തെരഞ്ഞെടുപ്പിലെ ദയനീയ പ്രകടനം വളരെ നിരാശാജനകമാണ് എന്നും അദ്ദേഹം അഭിപ്രായപ്പെട്ടു.നേരത്തെ,പാർട്ടിയുടെ മുതിർന്ന നേതാക്കളിൽ ഒരാളായ ജയറാംരമേശ്, സമാന പരാമർശവുമായി രംഗത്തെത്തിയിരുന്നു.സ്വയം മാറാൻ കോൺഗ്രസ് അധികാരികൾ തയ്യാറാകണമെന്നും, പാർട്ടിയുടെ ഉള്ളടക്കവും രീതിയും മാറണമെന്നുമാണ് ജയറാം രമേശ് അഭിപ്രായപ്പെട്ടത്.
“ഇപ്പോഴുള്ള സാഹചര്യം അങ്ങേയറ്റം നിരാശ ഉണ്ടാക്കുന്നതാണ്.കാലം മാറുന്നതിനനുസരിച്ച് പുതിയ സമീപനവും പുതിയ നയവും അനിവാര്യമാണ്. കോൺഗ്രസ് ജനങ്ങളിലേക്കിറങ്ങിയേ മതിയാവൂ.” എന്നും ജ്യോതിരാദിത്യ സിന്ധ്യ കൂട്ടിച്ചേർത്തു
