മുംബൈ: റിലീസ് ചെയ്ത് 16 ദിവസത്തിനുള്ളിൽ 1000 കോടി കളക്ഷൻ നേടി എസ് എസ് രാജമൗലിയുടെ ആർ ആർ ആർ. ദംഗൽ, ബാഹുബലി 2 എന്നിവയാണ് ഇതിന് മുൻപ് 1000 കോടിക്ക് മുകളിൽ കളക്ഷൻ നേടിയ ഇന്ത്യൻ ചിത്രങ്ങൾ. ബജ്രംഗി ഭായ്ജാൻ, സീക്രട്ട് സൂപ്പർസ്റ്റാർ, പികെ എന്നീ ചിത്രങ്ങളുടെ കളക്ഷനും ആർ ആർ ആർ മറികടന്നു.
കൊമരം ഭീം, അല്ലൂരി സീതാരാമ രാജു എന്നീ സ്വാതന്ത്ര്യസമര സേനാനികളുടെ കഥ പറയുന്ന ചിത്രമാണ് ആർ ആർ ആർ. ജൂനിയർ എൻടിആർ, രാം ചരൺ എന്നിവരാണ് ചിത്രത്തിൽ പ്രധാന വേഷങ്ങൾ ചെയ്തിരിക്കുന്നത്. ഡിവിവി എന്റർടെയ്ന്മെന്റ്സിന്റെ ബാനറിൽ ഡിവിവി ധനയ്യ നിർമ്മിച്ച ആർ ആർ ആർ മാർച്ച് 22നാണ് റിലീസ് ചെയ്തത്.
അതേസമയം ചിത്രത്തിനെതിരെ കേരളത്തിൽ ബോധപൂർവ്വമായ ഡീഗ്രേഡിംഗ് തുടരുകയാണ്. ചിത്രത്തിലെ സംഘട്ടന രംഗങ്ങൾ അവിശ്വസനീയമാണെന്നും ചിത്രം കാവിവത്കരണമാണ് ൻപ്രചരിപ്പിക്കുന്നത് എന്നുമാണ് ചില മലയാളും ഫേസ്ബുക്ക് പേജുകളുടെയും യൂട്യൂബ് ചാനലുകളുടെയും വിമർശനം. സ്ത്രീ കഥാപാത്രങ്ങൾക്ക് പ്രാധാന്യമില്ലാത്ത ചിത്രം സ്ത്രീവിരുദ്ധമാണെന്നും ഇവർ പ്രചരിപ്പിക്കുന്നു. എന്നാൽ ഇത്തരം കുപ്രചാരണങ്ങളെയെല്ലാം അതിജീവിച്ച് വലിയ വിജയമാണ് ചിത്രം കേരളത്തിലും നേടുന്നത്.
