കറാച്ചി: മുൻ പാകിസ്താൻ ക്രിക്കറ്റ് താരം ഷാഹിദ് അഫ്രിഡിയുടെ മകൾ അൻഷ അഫ്രിഡി വിവാഹിതയായി. പാക് യുവ പേസർ ഷഹീൻ അഫ്രിഡിയാണ് അൻഷയുടെ വരൻ. രണ്ട് വർഷം മുൻപായിരുന്നു ഇവരുടെ വിവാഹ നിശ്ചയം.
Shahid Afridi, Sarfarz Ahmed, Babar Azam, Muhammad Hafeez, and Jhangir Khan at Shaheen Afridi's Nikah Ceremony. ♥️ congratulations, Shaheen Afridi. pic.twitter.com/b8EkzGezb3
— Usman Satti (@usmansatti476) February 3, 2023
പാകിസ്താന് പുറത്തുള്ള രാജ്യങ്ങളിലും ഏറെ ആരാധകരുള്ള ക്രിക്കറ്റർമാരാണ് ഷാഹിദ് അഫ്രിഡിയും ഷഹീൻ അഫ്രിഡിയും. അതുകൊണ്ട് തന്നെ ഈ വിവാഹം ലോകമെമ്പാടുമുള്ള ആരാധകർ സാമൂഹിക മാദ്ധ്യമങ്ങളിൽ പിന്തുടർന്നിരുന്നു. ഇവരിൽ പലരും ആശ്ചര്യപ്പെട്ടത് വിവാഹ വേദിയിലെ വധുവിന്റെ അസാന്നിധ്യം ചൂണ്ടിക്കാട്ടിയാണ്. മെഹന്ദി ചടങ്ങിലും റിസപ്ഷനിലും കണ്ട മണവാട്ടിയെ വിവാഹ വേദിയിൽ കാണാൻ സാധിക്കാത്തതിന്റെ നിരാശയും ആരാധകർ പങ്കുവെച്ചു.
ഈ വർഷം വിവാഹിതനാകുന്ന മൂന്നാമത്തെ പാകിസ്താൻ ക്രിക്കറ്റ് താരമാണ് ഷഹീൻ ഷാ അഫ്രിഡി. സഹപേസർ ഹാരിസ് റൗഫ്, ഓൾ റൗണ്ടർ ശദബ് ഖാൻ എന്നിവരുടെ വിവാഹങ്ങൾ ജനുവരിയിൽ കഴിഞ്ഞിരുന്നു. ഷഹീന്റെ വിവാഹ ചടങ്ങുകളിൽ ശദബ് ഖാനും പങ്കെടുത്തിരുന്നു.
