ഇസ്ലാമാബാദ്: മുൻ പാക് പ്രധാനമന്ത്രി നവാസ് ഷെരീഫിനെതിരെ അസഭ്യവർഷവുമായി ഇസ്ലാമിസ്റ്റുകൾ. ഹോളി ആശംസ സമൂഹമാദ്ധ്യമത്തിൽ പങ്കുവച്ച അദ്ദേഹം ദീപത്തിന്റെ ഇമോജി ഉപയോഗിച്ചതാണ് ഇസ്ലാമിസ്റ്റുകളെ പ്രകോപിപ്പിച്ചത്.
ഹിന്ദുക്കളുടെ ആരാധനയ്ക്ക് ഉപയോഗിക്കുന്ന ദീപം പോലുള്ള വസ്തുക്കൾ ആശംസകളിൽ വരെ ഇടം പിടിച്ചെന്നും നവാസ് ആശംസ നീക്കം ചെയ്യണമെന്നും ആവശ്യപ്പെട്ടാണ് മുൻ പ്രധാനമന്ത്രിയ്ക്ക് നേരെ അസഭ്യവർഷമാണ് മതമൗലികവാദികൾ ഉയർത്തുന്നത് . ‘ഹോളി ആശംസിക്കുന്നത് ഇസ്‌ലാമിൽ ഹറാമാണ്, ഹറാമിനെ അഭിനന്ദിക്കുന്നത് കുറ്റമാണെന്നാണ് ഇസ്ലാമിസ്റ്റുകൾ പറയുന്നത്.
മുൻ പ്രധാനമന്ത്രിയുടെ ഹോളി ആശംസയുടെസ്‌ക്രീൻ ഷോട്ട് സമൂഹമാദ്ധ്യമങ്ങളിൽ വൈറലാവുന്നുണ്ട്. ആംശസയെ ചുറ്റിപ്പറ്റി ചർച്ചകൾ കനത്തെങ്കിലും നവാസ് ഇത് വരെ പ്രതികരിച്ചിട്ടില്ല.
നിലവിലെ പാക് പ്രധാനമന്ത്രിയായ ഷെഹബാസ് ഷെരീഫ് നവാസിന്റെ സോദരനാണ്. ചികിത്സാർത്ഥം യുകെയിലേക്ക് കടന്ന നവാസ്, ഇമ്രാൻ ഖാൻ സർക്കാർ രജിസ്റ്റർ ചെയ്ത അഴിമതിക്കേസുകളുടെ പശ്ചാത്തലത്തിൽ വിദേശത്ത് തുടരുകയായിരുന്നു.
