ഐബീരിയന്‍ വെങ്കലയുഗത്തിലെ ഒരു നിധി ശേഖരം ഇപ്പോള്‍ ഗവേഷകരെ അമ്പരപ്പിച്ചിരിക്കുകയാണ്. ശേഖരത്തിലെ സ്വര്‍ണ്ണമല്ല. അതില്‍ നിന്ന് കണ്ടെടുത്ത തുരുമ്പെടുത്ത ലോഹഭാഗങ്ങളാണ് ഇവരെ അതിശയിപ്പിച്ചിരിക്കുന്നത്. സ്വര്‍ണ്ണം കൊണ്ട് അലങ്കരിച്ച ഒരു മുഷിഞ്ഞ ബ്രേസ്ലെറ്റും തുരുമ്പിച്ച പൊള്ളയായ അര്‍ദ്ധഗോളവുമാണ് ഈ വസ്തുക്കള്‍. ഭൂമിയുടെ അടിത്തട്ടില്‍ നിന്നുള്ള ലോഹമല്ല, മറിച്ച് ഈ ഗ്രഹത്തിന് പുറത്തുള്ള ഇരുമ്പ് കൊണ്ടാണ് ഇത് നിര്‍മ്മിച്ചിരിക്കുന്നത്.
സ്പെയിനിലെ നാഷണല്‍ ആര്‍ക്കിയോളജിക്കല്‍ മ്യൂസിയത്തിലെ കണ്‍സര്‍വേഷന്‍ മേധാവി സാല്‍വഡോര്‍ റോവിര-ലോറന്‍സിന്റെ നേതൃത്വത്തിലുള്ള ഗവേഷണത്തിലാണ് ഈ കണ്ടെത്തല്‍. ലോഹനിര്‍മ്മാണ സാങ്കേതികവിദ്യയും സാങ്കേതികതകളും 3000 വര്‍ഷങ്ങള്‍ക്ക് മുമ്പ് ഐബീരിയയില്‍ നമ്മള്‍ വിചാരിച്ചതിലും വളരെ പുരോഗമിച്ചതാണെന്ന് ഇത് സൂചിപ്പിക്കുന്നു. 3
ഭൂമിയുടെ പുറംതോടില്‍ നിന്നുള്ള ഇരുമ്പ് അയിര് മാത്രമല്ല ഉല്‍ക്കാശിലകളില്‍ നിന്ന് വേര്‍തിരിച്ച് നിര്‍മ്മിച്ച ഇരുമ്പ് കൊണ്ടുള്ള വസ്തുക്കള്‍ ഇരുമ്പ് യുഗത്തിന് മുമ്പ് തന്നെ നിര്‍മ്മിക്കപ്പെട്ടിരുന്നു. ഇതില്‍ ലോകപ്രശസ്തമായ ഒന്നാണ് ഈജിപ്ഷ്യന്‍ ഫറവോന്‍ ടുട്ടന്‍ഖാമുന്റെ ഇരുമ്പ് കഠാരയാണ്.
ഉല്‍ക്കാശിലയില്‍ നിന്നും വേര്‍തിരിച്ച ഇരുമ്പിന്റെ വ്യത്യാസം കണ്ടെത്താന്‍ ഒരു വഴിയുണ്ട്: ഉല്‍ക്കാശിലകളില്‍ നിന്നുള്ള ഇരുമ്പില്‍ ഭൂമിയുടെ ഭൂമിയില്‍ നിന്ന് കുഴിച്ചെടുത്ത ഇരുമ്പിനെക്കാള്‍ വളരെ ഉയര്‍ന്ന നിക്കല്‍ അടങ്ങിയിട്ടുണ്ട്.
