കഴിഞ്ഞ ദിവസങ്ങളിൽ സോഷ്യൽമീഡിയയിൽ തരംഗം സൃഷ്ടിച്ച വീഡിയോ ആയിരുന്നു നടൻ ബേസിൽ ജോസഫിന് പറ്റിയ അബദ്ധം. ബേസിലിനെ ട്രോളി വീഡിയോ പങ്കുവച്ചത് ടൊവിനോയും സഞ്ജു സാംസണുമാണ്. എന്നാൽ ഇപ്പോഴിതാ ടൊവിനോയ്ക്കും സഞ്ജു സാംസണും മറുപടിയുമായി എത്തിയിരിക്കുകയാണ് ബേസിൽ.
കൈ കിട്ടിയില്ലെങ്കിലും കപ്പ് കിട്ടി ഗയ്സ് എന്നാണ് ടൊവിനോയെയും സഞ്ജുവിനെയും ടാഗ് ചെയ്ത് ബേസിൽ കുറിച്ചിരിക്കുന്നത്. എന്നാൽ ബേസിലിന്റെ പോസ്റ്റിന് താഴെ നിരവധി പേരാണ് കമന്റ് അടിക്കുന്നത്. നസ്രിയയും കമന്റുമായി എത്തിയിട്ടുണ്ട്. മെയിൻ ഫോട്ടോ എവിടെ എന്നായിരുന്നു നസ്രിയയുടെ ചോദ്യം. ‘നീയും എന്നെ’ എന്നാണ് ബേസിൽ തിരിച്ചു കമൻറ് ചെയ്തത്.
സംഭവം നടക്കുന്നത് സൂപ്പർ ലീഗ് കേരള ഫുട്ബോളിന്റെ സമ്മാനദാന ചടങ്ങിലാണ്. നടനും സംവിധായകനുമായ പൃഥ്വിരാജ് സുകുമാരന്റെ ഫോർസ കൊച്ചിയെ പരാജയപ്പെടുത്തി ബേസിൽ ജോസഫിന്റെ കാലിക്കറ്റ് എഫ്സിയായിരുന്നു ചാമ്പ്യന്മാരായത് .
താരങ്ങൾക്ക് മെഡൽ നൽകുന്ന വേളയിൽ ബേസിൽ ഷേക്ക് ഹാൻഡ് നൽകാനായി കൈ നീട്ടിയെങ്കിലും അത് ശ്രദ്ധിക്കാതെ പൃഥ്വിരാജിന് കൈ നൽകുകയായിരുന്നു ഒരു താരം . ഇതോടെ ബേസിൽ ചമ്മലോടെ കൈ താഴ്ത്തി . ഇതൊന്നും പൃഥ്വിരാജ് അറിഞ്ഞതുമില്ല. ഇതിന്റെ വീഡിയോയാണ് ട്രോളായി മാറിയത്.
മുൻപ് ഒരു സിനിമയുടെ പൂജ നടക്കുന്ന സമയത്തുള്ള ടൊവിനോയുടെ വീഡിയോ ബേസിൽ ട്രൊളാക്കിയിരുന്നു. ഇതിന് പ്രതികാരം ചെയ്തിരിക്കുകയാണ് ടൊവിനോ ഇപ്പോൾ . നീ പക പോക്കുകയാണല്ലെടാ’എന്ന് ടൊവിനോ കമന്റ് ചെയ്തു. കരാമ ഈസ് എ ബിച്ച്’ എന്നായിരുന്നു ടൊവിനോയുടെ മറുപടി . രസകരമായ വീഡിയോ ആരാധകർ ഏറ്റെടുത്തു കഴിഞ്ഞു .
