വിറ്റാമിന്‍ ഗുളിക നല്ലതൊക്കെ തന്നെ. എന്ന് കരുതി ഒരുപാട് കഴിക്കരുത്, അതിനും പാര്‍ശ്വഫലങ്ങള്‍ ഉണ്ട്. വിറ്റാമിന്‍ ബി കോംപ്ലക്‌സ് ഗുളകകള്‍ അത്തരത്തില്‍ പെടുന്നതാണ്. ഡോക്ടറുടെ നിര്‍ദേശമില്ലാതെ പലരും വിറ്റാമിന്‍ ബി കോംപ്ലസ് ഗുളികകള്‍ കഴിക്കാറുണ്ട്. എന്നാല്‍ ഇവ ഡോസ് കൂടിയാല്‍ ഗുരുതര ആരോഗ്യപ്രശ്‌നങ്ങള്‍ ഉണ്ടാക്കുമെന്നാണ് കണ്ടെത്തല്‍.
വിറ്റാമിന്‍ ബി കോപ്ലക്‌സ് കഴിക്കുന്നത് ചുവന്ന രക്താണുക്കളുടെ വളര്‍ച, കാഴ്ച, തലച്ചോറിന്റെ പ്രവര്‍ത്തനം, ദഹനം, വിശപ്പ്, ശരിയായ നാഡി പ്രവര്‍ത്തനം, ഹോര്‍മോണുകളുടെ ഉല്‍പാദനം, എന്നിവയ്‌ക്കൊക്കെ നല്ലതാണ്. ഫോളിക്, വിറ്റാമിന്‍ ബി 12 എന്നിവ അടങ്ങിയിട്ടുള്ളതിനാല്‍ ഗര്‍ഭിണികള്‍ വിറ്റാമിന്‍ ബി കോപ്ലക്‌സ് കഴിക്കണമെന്ന് ഡോക്ടര്‍മാര്‍ നിര്‍ദേശിക്കാറുണ്ട്.
എന്നാല്‍ അമിതമായാല്‍ വിറ്റാമിന്‍ ബി കോപ്ലക്‌സ് ദോഷകരമാണ് ഇവ എന്തൊക്കെയെന്ന് നോക്കാം.
ദഹന പ്രശ്‌നങ്ങള്‍: ഉയര്‍ന്ന അളവില്‍ ബി3 (നിയാസിന്‍) കഴിക്കുന്നത് ഓക്കാനം, ഛര്‍ദ്ദി അല്ലെങ്കില്‍ വയറിളക്കം പോലുള്ള ദഹനസംബന്ധമായ പ്രശ്‌നങ്ങള്‍ക്ക് കാരണമാകും.വയറുവേദനയ്ക്കും വയറു വീര്‍ക്കുന്നതിനും കാരണമാകും.
ചര്‍മ പ്രതികരണങ്ങള്‍: ചര്‍മത്തില്‍ ചുവപ്പ്, ചൊറിച്ചില്‍ ഉണ്ടാക്കാം. നിയാസിന്‍ ഫ്‌ലഷ് എന്നാണ് ഈ അവസ്ഥയെ വിളിക്കുന്നത്.
അമിതമായ ബി6 കഴിക്കുന്നത് നാഡിക്ക് കേടുപാടുകള്‍ ഉണ്ടാക്കുകയും, മരവിപ്പ്, ഇക്കിളി, നടക്കാന്‍ ബുദ്ധിമുട്ട് എന്നിവ ഉണ്ടായേക്കാം.ഹൃദയ താളത്തില്‍ മാറ്റങ്ങള്‍ വരുത്തുകയോ രക്തസമ്മര്‍ദ്ദം കുറയുകയോ ചെയ്‌തേക്കാം. ഹൃദ്രോഗമുള്ളവര്‍ക്ക് ഇത് അപകടകരമാകാന്‍ സാധ്യതയുണ്ട്. കൂടാതെ വളരെ ഉയര്‍ന്ന അളവില്‍ ബി12 വൃക്കരോഗമുള്ളവര്‍ക്ക് ദോഷകരമാകാം.
