ഹവായിയിലെ കടല്‍ത്തീരത്ത് വരുന്നവര്‍ ഇനി ഈല്‍ മത്സ്യങ്ങളെ കണ്ടാലും പേടിക്കുമെന്നുറപ്പാണ്. കാരണം അവ ഈല്‍ തന്നെയാകണമെന്നില്ല. ഒന്ന് തൊട്ടാല്‍ ജീവനെടുക്കുന്ന കടലിലെ ആ ഭീകരനാവാം.
ഫെബ്രുവരി 4 ന്, നടന്ന ഒരു സംഭവമാണ് അവരെ ഇങ്ങനെ ഭയപ്പെടുത്തുന്നത്. ഹിലോ നിവാസിയായ ഒരാള്‍ ഹൊനോലി ബീച്ചില്‍ ‘ഒരു മരക്കഷണത്തിനടിയില്‍ കുടുങ്ങിയ’ ഒരു ഈലിനെയാണ് ആദ്യം കണ്ടത്. എന്നാല്‍ സൂക്ഷിച്ചുനോക്കിയപ്പോള്‍ എന്തോ പ്രത്യേകതയുള്ളതായി തോന്നി അധികൃതരെ വിവരമറിയിച്ചു. ഹവായിയിലെ കൃഷി വകുപ്പിന്റെ പ്ലാന്റ് ക്വാറന്റൈന്‍ ബ്രാഞ്ച് (പിക്യുബി) സ്ഥലത്തേക്ക് പുറപ്പെട്ടു. എത്തിയപ്പോള്‍ അവര്‍ക്ക് ആ കാഴ്ച്ച വിശ്വസിക്കാനായില്ല. അത് ഉഗ്രവിഷമുള്ള ഒരു കടല്‍പാമ്പായിരുന്നു.
”സമുദ്രത്തിലോ സമീപത്തോ ഉള്ള ഏതെങ്കിലും പാമ്പിനെപ്പോലെയുള്ള ജീവികളെക്കുറിച്ച് ജാഗ്രത പാലിക്കാന്‍ പൊതുജനങ്ങളെ അറിയിക്കാന്‍ ഞങ്ങള്‍ ഈ അവസരം ഉപയോഗിക്കുന്നു,” ഹവായിയിലെ കൃഷി ബോര്‍ഡ് ചെയര്‍പേഴ്സണ്‍ ഷാരോണ്‍ ഹര്‍ഡ് പറഞ്ഞു. ”ഈ തരം കടല്‍ പാമ്പ് ഒരു മൂര്‍ഖനെക്കാള്‍ വിഷമുള്ളതും മനുഷ്യര്‍ക്ക് മാരകമാകാന്‍ സാധ്യതയുള്ളതുമാണ്.”
‘ അടിഭാഗത്തുള്ള തിളക്കമുള്ള മഞ്ഞ അടയാളങ്ങളാല്‍ വേര്‍തിരിച്ചറിയപ്പെടുന്ന’ പാമ്പുകള്‍ പസഫിക് സമുദ്രത്തില്‍ നിന്നുള്ളവയാണ്. കരയില്‍ ഇവയെ കാണുന്നത് ‘അപൂര്‍വ്വം’ ആണെങ്കിലും, സമീപ വര്‍ഷങ്ങളില്‍ ചിലപ്പോഴൊക്കെ ശക്തമായ കാറ്റും പ്രവാഹവും അവയെ തീരപ്രദേശത്തേക്ക് ഒഴുക്കിവിട്ടിട്ടുണ്ട്.
അവ മണലില്‍ കുളിച്ചു കഴിഞ്ഞാല്‍, ശരീരം അടിയിലേക്ക് ഒലിച്ചുപോകുന്നതിനാല്‍ സാധാരണ പാമ്പുകളെപ്പോലെ ഇഴയാന്‍ കഴിയില്ല, അതിനാല്‍ അവ അവിടെ പെട്ടുപോകുന്നു’ ഇവ ശാന്ത സ്വഭാവമുള്ളവയാണെന്നും കടിക്കുമ്പോള്‍ സാധാരണയായി വിഷം കുത്തിവയ്ക്കാറില്ലെന്നും റിപ്പോര്‍ട്ടുണ്ട്, പക്ഷേ വിഷത്തില്‍ ശക്തമായ ഒരു നാഡി വിഷം അടങ്ങിയിട്ടുണ്ട്, അത് വളരെ പെട്ടെന്ന് തന്നെ മരണത്തിലേക്ക് നയിക്കുന്നു. ഇനിമുതല്‍ തീരത്ത് മഞ്ഞ വയറുള്ള കടല്‍പ്പാമ്പിനെ കണ്ടാല്‍ അപ്പോള്‍ തന്നെ അധികൃതരെ അറിയിക്കണമെന്നാണ് ജനങ്ങള്‍ക്ക് നല്‍കിയിരിക്കുന്ന നിര്‍ദ്ദേശം
