ക്രിക്കറ്റ് പിച്ചിലെ വെടിക്കെട്ട് ബാറ്റിംഗിലൂടെ ആരാധകരെ വിസ്മയിപ്പിച്ച മുൻ ഇന്ത്യൻ ഓപ്പണർ വീരേന്ദർ സെവാഗ് ഒടുവിൽ വിനോദലോകത്തേക്ക് ചുവടുവെക്കുന്നു. ആമസോൺ എം.എക്സ്. പ്ലെയറിന്റെ പ്രശസ്തമായ ‘റൈസ് ആൻഡ് ഫാൾ’ എന്ന റിയാലിറ്റി ഷോയുടെ രണ്ടാം സീസണിന്റെ അവതാരകനായി സെവാഗ് എത്തുന്നതിന്റെ ഭാഗമായുള്ള പുതിയ ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. അഷ്‌നീർ ഗ്രോവർ അവതാരകനായെത്തിയ ഈ ഷോയുടെ ആദ്യ സീസൺ വലിയ വിജയമായിരുന്നു.
ഷോയുടെ പ്രൊമോഷന്റെ ഭാഗമായി യമരാജന്റെ വേഷത്തിലും, ന്യൂട്രിന്റെ ലുക്കിലും, ഡോക്ടറുടെ വേഷത്തിലും, സ്കൂൾ അധ്യാപകന്റെ വേഷത്തിലുമൊക്കെയുള്ള സെവാഗിന്റെ ചിത്രങ്ങളാണ് പുറത്തുവന്നിരിക്കുന്നത്. സോഷ്യൽ മീഡിയയിൽ ഏറെ ചർച്ചയായ ഈ ഫോട്ടോകൾ താരം തന്നെയാണ് തന്റെ ഇൻസ്റ്റാഗ്രാം പേജിൽ പങ്കുവെച്ചത്. സ്വര ഭാസ്കർ, കരണ്‍ പട്ടേൽ, പ്രിയങ്ക ചഹർ ചൗധരി തുടങ്ങി നിരവധി പ്രമുഖർ മത്സരാർത്ഥികളായി എത്തുന്ന പുതിയ സീസണിലൂടെ സെവാഗ് തന്റെ തനതായ ഹാസ്യശൈലി എങ്ങനെ അവതരിപ്പിക്കുമെന്ന കാത്തിരിപ്പിലാണ് ആരാധകർ.
