ആർട്ടിഫിഷ്യൽ ഇന്റലിജൻസ് ലോകത്ത് വിപ്ലവകരമായ മാറ്റങ്ങൾ കൊണ്ടുവരുമെന്നും അതോടെ ഭാവിയിൽ സമ്പാദ്യശീലം തന്നെ അനാവശ്യമായി മാറുമെന്നും ടെസ്‌ല സിഇഒ എലോൺ മസ്ക്. 2026 ജനുവരിയിൽ പീറ്റർ ഡയമണ്ടിസിന്റെ ‘മൂൺഷോട്ട്സ്’ എന്ന പോഡ്‌കാസ്റ്റിൽ സംസാരിക്കവെയാണ് മസ്ക് ഈ വിസ്മയിപ്പിക്കുന്ന പ്രവചനം നടത്തിയത്.
നമ്മളൊക്കെ വിരമിച്ച ശേഷം മുമ്പോട്ടുള്ള ജീവിതത്തതിനായി എന്തെങ്കിലുമൊക്കെ സമ്പാദിച്ചു വെക്കണമെന്ന് പലതും പറയാറുണ്ട്. സമ്പത്ത് കാലത്ത് തൈ പത്ത് വെച്ചാൽ ആപത്ത് കാലത്ത് കാപത്ത് തിന്നാം എന്ന് പറയുന്നത് പോലെ. എന്നാൽ ഇനി അംഗം പണം സ്വരൂട്ടുന്നത് വരും പതിറ്റാണ്ടുകളിൽ അർത്ഥശൂന്യമാകുമെന്നാണ് ലോകസമ്പന്നനായ മസ്ക് പറയുന്നത്. AI, റോബോട്ടിക്സ്, ഊർജ്ജം എന്നീ മേഖലകളിലെ കുതിച്ചുചാട്ടം ലോകത്ത് വലിയ മാറ്റങ്ങൾ സൃഷ്ടിക്കുമെന്നും അദ്ദേഹം അവകാശപ്പെട്ടു.
“അടുത്ത 10 അല്ലെങ്കിൽ 20 വർഷത്തെ വിരമിക്കൽ ജീവിതത്തിനായി പണം കരുതിവെക്കുന്നതിനെക്കുറിച്ച് നിങ്ങൾ വിഷമിക്കേണ്ടതില്ല. ഞാൻ പറയുന്ന കാര്യങ്ങൾ സത്യമായാൽ, അത്തരം സമ്പാദ്യങ്ങൾ ഭാവിയിൽ അപ്രസക്തമാകും,” മസ്ക് പറഞ്ഞു. ഭാവിയിൽ എല്ലാവർക്കും മികച്ച ജീവിതനിലവാരം ഉറപ്പാക്കുന്ന രീതിയിൽ ഉയർന്ന വരുമാനം ലഭ്യമാകുമെന്നാണ് അദ്ദേഹം പറയുന്നത്. സാധനങ്ങളുടെയും സേവനങ്ങളുടെയും വില കുറയുകയും എല്ലാവർക്കും ആവശ്യമായ വിഭവങ്ങൾ ലഭ്യമാകുകയും ചെയ്യും.
അടുത്ത അഞ്ചു വർഷത്തിനുള്ളിൽ ലോകത്തെ ഏറ്റവും മികച്ച ചികിത്സാസൗകര്യങ്ങൾ എല്ലാവർക്കും ലഭ്യമാകും. അറിവ് സമ്പാദിക്കാനായി ആർക്കും പണം ചെലവാക്കേണ്ടി വരില്ല; എല്ലാം സൗജന്യമായി പഠിക്കാൻ കഴിയുന്ന സാഹചര്യം ഉണ്ടാകുമെന്ന് അദ്ദേഹം കൂട്ടിചേർത്തു. എല്ലാ ജോലികളും AI ഏറ്റെടുക്കുന്നതോടെ മനുഷ്യർക്ക് ജോലി എന്നത് ഒരു നിർബന്ധമല്ല, മറിച്ച് ഒരു ഇഷ്ടം മാത്രമായി മാറുമെന്നും മസ്ക് പറഞ്ഞു.
