2026 ടി20 ലോകകപ്പിൽ ഇന്ത്യയ്‌ക്കെതിരെ നടക്കാനിരുന്ന മത്സരത്തിൽ നിന്ന് പിന്മാറുന്നതായി പാകിസ്ഥാൻ ഔദ്യോഗികമായി പ്രഖ്യാപിച്ചു. ക്രിക്കറ്റ് ലോകത്തെ ഞെട്ടിച്ചുകൊണ്ട് പാകിസ്ഥാൻ സർക്കാർ തന്നെയാണ് ഈ തീരുമാനം അറിയിച്ചിരിക്കുന്നത്.
ഫെബ്രുവരി 15-ന് നടക്കാനിരുന്ന ഇന്ത്യ-പാക് പോരാട്ടത്തിൽ പാകിസ്ഥാൻ ടീം ഗ്രൗണ്ടിലിറങ്ങില്ല. ഇന്ത്യയുമായുള്ള മത്സരം ബഹിഷ്‌കരിക്കുമെങ്കിലും, ലോകകപ്പിലെ മറ്റ് മത്സരങ്ങളിൽ പാകിസ്ഥാൻ ടീം പങ്കെടുക്കും.
പാകിസ്ഥാൻ സർക്കാർ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് ഈ വിവരം പുറത്തുവിട്ടത്. ടി20 ലോകകപ്പിൽ പങ്കെടുക്കാൻ അനുമതി നൽകിയെങ്കിലും ഇന്ത്യയ്‌ക്കെതിരായ മത്സരത്തിൽ കളിക്കേണ്ടതില്ലെന്നാണ് നിർദ്ദേശം.
ഇന്ത്യ-പാക് മത്സരത്തിനായി കാത്തിരുന്ന ആരാധകർക്ക് വലിയ നിരാശ നൽകുന്നതാണ് ഈ വാർത്ത.
