സൗദി അറേബ്യയിലെ റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ യെമനിലെ ഹൂതി വിമതർ നടത്തിയ ബാലിസ്റ്റിക് മിസൈൽ ആക്രമണത്തിൽ മൂന്ന് സൗദി പൗരന്മാർ കൊല്ലപ്പെട്ടു. സൗദിയ എയർലൈൻസിലെ മുതിർന്ന പൈലറ്റ് കപ്റ്റൻ ഹമൂദ് അലി അൽഖൽത്താമിയും മരിച്ചവരിൽ ഉൾപ്പെടുന്നു. റൺവേയിൽ നിർത്തിയിട്ടിരുന്ന വിമാനത്തിനും അറ്റകുറ്റപ്പണി കേന്ദ്രങ്ങൾക്കും ആക്രമണത്തിൽ നാശനഷ്ടങ്ങൾ സംഭവിച്ചിട്ടുണ്ട്.
വ്യോമാക്രമണത്തെ തുടർന്ന് റിയാദിലേക്കുള്ള നിരവധി അന്താരാഷ്ട്ര വിമാന സർവീസുകൾ താൽക്കാലികമായി റദ്ദാക്കുകയും ചിലത് വഴിതിരിച്ചുവിടുകയും ചെയ്തു. ആക്രമണത്തിന്റെ ഉത്തരവാദിത്തം യെമനിലെ ഇറാന്റെ പിന്തുണയുള്ള ഹൂതി വിമതർ ഏറ്റെടുത്തിട്ടുണ്ട്. പരിക്കേറ്റ പലരുടെയും നില ഗുരുതരമായി തുടരുന്നതിനാൽ മരണസംഖ്യ ഇനിയും ഉയരാൻ സാധ്യതയുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
മേഖലയിൽ സംഘർഷം രൂക്ഷമായതോടെ സൗദി സഖ്യസേന തിരിച്ചടി ശക്തമാക്കിയിട്ടുണ്ട്. ഹൂതികളുടെ മിസൈൽ വിക്ഷേപണ കേന്ദ്രങ്ങൾ ലക്ഷ്യമാക്കി വ്യോമസേന ശക്തമായ ആക്രമണം നടത്തി വരികയാണ്. സിവിലിയൻ കേന്ദ്രങ്ങൾക്ക് നേരെയുള്ള ആക്രമണങ്ങളെ അന്താരാഷ്ട്ര സമൂഹം കടുത്ത ഭാഷയിൽ അപലപിച്ചു.
