ന്യൂഡൽഹി: ഇന്ത്യൻ വിദ്യാർത്ഥികൾക്കായി പ്രത്യേക കോഴ്സുകൾ രൂപകൽപ്പന ചെയ്ത് അമേരിക്ക. ഇന്ത്യയുടെ പുതിയ ദേശീയ വിദ്യാഭ്യാസ നയത്തിന് അനുസൃതമായാണ് കോഴ്സുകൾ രൂപീകരിച്ചിരിക്കുന്നത്. അമേരിക്കൻ സർവ്വകലാശാലകളിൽ നിന്ന് ബിസിനസ് സ്പെശ്യലൈസേഷനോടെ ഇന്ത്യൻ വിദ്യാർത്ഥികൾക്ക് ഒരു വർഷത്തെ പ്രൊഫഷണൽ മാസ്റ്റർ ബിരുദം നേടുന്നത് അനുവദിക്കുന്നതാണ് കോഴ്സ്.
സയൻസ് ടെക്നോളജി, എഞ്ചിനീയറിംഗ്,ഗണിതം, എന്നീ വിഷയങ്ങൾ കോഴ്സിൽ ഉൾപ്പെടും. കോഴ്സ് പൂർത്തിയായി കഴിഞ്ഞാൽ വിസ നിയമങ്ങൾ അനുസരിച്ച് ബിസിനസിൽ ഇന്റേൺഷിപ്പിനും,എഡ്യൂക്കേഷൻ ലോൺ തിരിച്ചടയ്ക്കുന്നതിനുമായി വിദ്യാർത്ഥികൾക്ക് മൂന്ന് വർഷം വരെ യുഎസിൽ തുടരാം.
സ്റ്റേറ്റ് ഡിപ്പാർട്ട്മെന്റിന്റെ സൗത്ത് ആൻഡ് സെൻട്രൽ ഏഷ്യ (എസ്സിഎ) ബ്യൂറോയിലെ ജെഫേഴ്സൺ സയൻസ് ഫെല്ലോ അഖിലേഷ് ലഖ്താകിയയാണ് പ്രോഗ്രാം രൂപകൽപ്പന ചെയ്തത്.
Discussion about this post