അമേരിക്കയിൽ നികുതിവെട്ടിപ്പ് നടത്തിയ സൈബർ സുരക്ഷാ വ്യവസായ ഭീമൻ ജോൺ മക്അഫീ സ്പെയിനിൽ അറസ്റ്റിലായി. ലോകത്തിലെ തന്നെ മുൻനിര ആന്റി വൈറസുകളിൽ ഒന്നാണ് ജോണിന്റെ മക്അഫീ. 2014 മുതൽ 2018 വരെയുള്ള കാലയളവിൽ തുടർച്ചയായ 4 വർഷം നികുതി വെട്ടിപ്പ് നടത്തിയതിനെ തുടർന്നാണ് ഇയാളെ അറസ്റ്റ് ചെയ്തത്. കുറ്റവാളികളെ കൈമാറാനുള്ള എക്സ്ട്രാഡീഷൻ കരാർ പ്രകാരം സ്‌പെയിൻ ഉടൻ തന്നെ ജോൺ മക്അഫീയെ അമേരിക്കയ്ക്ക് കൈമാറുമെന്നാണ് ലഭ്യമാവുന്ന വിവരങ്ങൾ. ആർഭാടപൂർണമായ, സുഖലോലുപതയിൽ മുഴുകിയുള്ള ജീവിതശൈലി കൊണ്ട് പ്രശസ്തനാണ് ജോൺ മക്അഫീ.
ക്രിപ്റ്റോകറൻസി, യാച്ച് എന്നിവയുൾപ്പെടെയുള്ള ആസ്തികൾ ജോൺ മക്അഫീ മറ്റുള്ളവരുടെ പേരിലേക്ക് മാറ്റി മറച്ചു വെയ്ക്കുകയാണ്‌ ചെയ്തതെന്ന് അമേരിക്ക വ്യക്തമാക്കുന്നു. ക്രിപ്റ്റോകറൻസികൾ, കൺസൾട്ടിങ്‌ വർക്ക്, സ്പീക്കിങ് എൻഗേജ്മെന്റുകൾ എന്നിവയിലൂടെ 2014 മുതൽ 2018 വരെയുള്ള കാലയളവിൽ ഇയാൾ ദശലക്ഷക്കണക്കിനു രൂപ സമ്പാദിച്ചിട്ടുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്. ജോൺ മക്അഫീക്കെതിരെ ചുമത്തിയിട്ടുള്ള വകുപ്പുകൾ പ്രകാരം 5 വർഷം വരെ ഇയാൾ ജയിൽ ശിക്ഷ അനുഭവിക്കേണ്ടതായി വരും.
Discussion about this post