തിരുവനന്തപുരം : ക്രിസ്മസ് പുതുവത്സര ആഘോഷങ്ങൾക്കായി പുതിയ ബജറ്റ് ടൂറിസം പദ്ധതികൾ തയ്യാറാക്കി കെഎസ്ആർടിസി. ജിംഗിൾ ബെൽസ് എന്ന് പേര് നൽകിയിരിക്കുന്ന ഈ ടൂറിസം പദ്ധതികൾ വഴി കുറഞ്ഞ ചെലവിൽ വിവിധ ഇടങ്ങളിലേക്ക് യാത്ര നടത്താവുന്നതാണ്. നെയ്യാറ്റിൻകര ഡിപ്പോയിൽ നിന്ന് സംസ്ഥാനത്തിലെ വിവിധ ടൂറിസ്റ്റ് കേന്ദ്രങ്ങളിലേക്കാണ് കെഎസ്ആർടിസി യാത്രകൾ ഒരുക്കുന്നത്.
ഡിസംബർ 24, 31 എന്നീ ദിവസങ്ങളിൽ നടത്തുന്ന ഗവി, പരുന്തുംപാറ ഏകദിന പ്രകൃതി സൗഹൃദ യാത്ര ആണ് അവധിക്കാലം ആഘോഷങ്ങളിലെ ഒരു പ്രധാന പദ്ധതി. ഈ യാത്രയിൽ ചേരാനായി നേരത്തെ ബുക്ക് ചെയ്യേണ്ടതാണ്. 9539801011 എന്ന നമ്പർ വഴി യാത്ര ബുക്ക് ചെയ്യാവുന്നതാണ്.
ഡിസംബർ 27, 28 തീയതികളിൽ വാഗമൺ യാത്രയാണ് കെഎസ്ആർടിസി ഒരുക്കുന്ന മറ്റൊരു പാക്കേജ്. 9946263153 എന്ന നമ്പറിൽ വിളിച്ച് ഈ യാത്രയ്ക്ക് ആവശ്യമായ ടിക്കറ്റുകൾ ബുക്ക് ചെയ്യാം. വയനാട്ടിലേക്കാണ് കെഎസ്ആർടിസി ഒരുക്കുന്ന മറ്റൊരു യാത്ര. ഡിസംബർ 30, 31, ജനുവരി 1, 2 തീയതികളിൽ ആയിരിക്കും വയനാട്ടിലേക്ക് യാത്ര നടത്തുന്നത്. ഈ പുതുവൽസര സ്പെഷ്യൽ യാത്രക്കായി 9074639043 എന്ന നമ്പറിൽ ബുക്ക് ചെയ്യാവുന്നതാണ്.
ക്രിസ്മസ് പ്രമാണിച്ച് ഡിസംബർ 23, 24, 25 ദിവസങ്ങളിൽ മൂന്നാറിലേക്ക് ആണ് യാത്ര നടത്തുന്നത്. 9539801011 എന്ന നമ്പറിൽ മൂന്നാർ യാത്ര ബുക്ക് ചെയ്യാം. ഡിസംബർ 27, 30, ജനുവരി 2 തീയതികളിൽ തിരുവൈരാണിക്കുളത്തേക്ക് തീർത്ഥാടന യാത്രയും കെഎസ്ആർടിസി ഒരുക്കുന്നുണ്ട്. 9497849282 എന്ന നമ്പറിലാണ് ഈ യാത്ര ബുക്ക് ചെയ്യേണ്ടത്.
Discussion about this post