ഡൽഹി: ഷൂട്ടിംഗ് ലോകകപ്പിൽ ഇന്ത്യക്ക് സ്വർണ്ണം. പുരുഷന്മാരുടെ 10 മീറ്റര്‍ എയര്‍ പിസ്റ്റള്‍ ടീം ഇനത്തിലും വനിതകളുടെ 10 മീറ്റര്‍ എയര്‍ പിസ്റ്റള്‍ ടീം ഇനത്തിലുമാണ് ഇന്ത്യ സ്വര്‍ണ്ണം നേടിയത്. ഇന്ത്യയുടെ സൗരഭ് ചൗധരി, അഭിഷേക് വര്‍മ്മ, ഷഹര്‍ റിസ്വി എന്നിവര്‍ പുരുഷ വിഭാഗത്തിലും മനു ഭാക്കര്‍, യശസ്വിനി സിംഗ് ദേശ്വാൾ, ശ്രീനിവേദ പരമാനന്ദം എന്നിവര്‍ വനിതാ വിഭാഗത്തിലും സ്വര്‍ണം നേടി.
ഫൈനലില്‍ വിയറ്റ്നാമിനെ 11-7 എന്ന സ്കോറിന് പരാജയപ്പെടുത്തിയാണ് ഇന്ത്യയുടെ പുരുഷ ടീം സ്വർണ്ണം നേടിയത്. വനിതാ വിഭാഗത്തില്‍ ഫൈനലില്‍ പോളണ്ടിനെ 16-8 എന്ന സ്കോറിനാണ് ഇന്ത്യന്‍ ടീം പരാജയപ്പെടുത്തിയത്.
നേരത്തെ 10 മീറ്റര്‍ എയര്‍ റൈഫിള്‍ വിഭാഗത്തില്‍ ദീപക് കുമാര്‍, പങ്കജ് കുമാര്‍, ഐശ്വര്യ പ്രതാപ് സിംഗ് തോമര്‍ എന്നിവരടങ്ങിയ ഇന്ത്യന്‍ ടീം വെള്ളി നേടിയിരുന്നു. വനിതകളുടെ എയര്‍ റൈഫിള്‍ വിഭാഗത്തില്‍ നിഷാ കന്‍വര്‍, ശ്രിയങ്ക ഷഡാംഗി, അപൂര്‍വി ചന്ദേല എന്നിവര്‍ അടങ്ങിയ ഇന്ത്യന്‍ ടീം നാലാം സ്ഥാനം നേടിയിരുന്നു.
ഡൽഹിയിലാണ് ഷൂട്ടിംഗ് ലോകകപ്പ് നടക്കുന്നത്.
Discussion about this post