ഡൽഹി: ആഗോള ശക്തിയായി ഉയർന്നു വരുന്ന ഇന്ത്യക്ക് എല്ലാ പിന്തുണയും പ്രഖ്യാപിക്കുന്നതായി അമേരിക്കൻ സ്റ്റേറ്റ് സെക്രട്ടറി ബ്ലിങ്കൻ. ഇന്തോ- പസഫിക് മേഖലയിലെ സമാധാന പാലനത്തിനും സ്ഥിരതക്കും സാമ്പത്തിക പുരോഗതിക്കും ഉന്നമനത്തിനും ഇന്ത്യ നൽകുന്ന സംഭാവനകൾ അതുല്യമാണെന്നും അദ്ദേഹം പറഞ്ഞു. ഇന്ത്യയിലേക്കുള്ള തന്റെ ആദ്യ സന്ദരശനത്തിന്റെ ഭാഗമായാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
ഇന്ത്യയും അമേരിക്കയും തമ്മിലുള്ള പ്രതിരോധ സഹകരണം പുതിയ ഉയരങ്ങളിൽ എത്തിയിരിക്കുകയാണെന്ന് അദ്ദേഹം പറഞ്ഞു. ദ്വിദിന സന്ദർശനത്തിന്റെ ഭാഗമായി ബ്ലിങ്കൻ പ്രധാനമന്ത്രി നരേന്ദ്ര മോദിയെയും വിദേശകാര്യ വകുപ്പ് മന്ത്രി എസ് ജയ്ശങ്കറെയും സന്ദർശിക്കും. കൊവിഡ് പ്രതിരോധ രംഗത്തെ സഹകരണം, പ്രാദേശിക സുരക്ഷാ രംഗത്തെ പൊതുതാത്പര്യങ്ങൾ, ഇന്തോ പസഫിക് വിഷയങ്ങൾ, ജനാധിപത്യ മൂല്യസംരക്ഷണം, കാലാവസ്ഥ വ്യതിയാനം എന്നീ വിഷയങ്ങൾ ചർച്ചയാകും.
ബൈഡൻ സർക്കാർ അധികാരത്തിൽ വന്നതിന് ശേഷവും ഇന്ത്യയുമായി അമേരിക്ക പുലർത്തുന്ന മികച്ച സഹകരണം ചൈനയും പാകിസ്ഥാനും ആശങ്കയോടെയാണ് നോക്കിക്കാണുന്നത്.
Discussion about this post