രക്തത്തിൽ നിന്ന് അഴുക്കും അധിക ദ്രാവകങ്ങളും ഫിൽറ്റർ ചെയ്ത് കളയുന്ന വളരെ പ്രധാനമായ ജോലിയാണ് വൃക്കയുടേത്. ശരീരത്തിലെ അരിപ്പയെന്നാണ് കിഡ്‌നിയെ വിളിക്കുന്നത്. കിഡ്നി പണി മുടക്കി തുടങ്ങിയാൽ ശരീരത്തിന്റെ പണികളെല്ലാം തന്നെ അവതാളത്തിലാക്കും. കിഡ്നി തകരാറിലാവുന്ന സമയത്തേ ശരീരം പല സൂചനകളും തരും. അതിൽ പ്രധാനപ്പെട്ടതാണ് മൂത്രത്തിൽ വരുന്ന വ്യത്യാസങ്ങൾ.
വാസ്തവത്തിൽ മൂത്രത്തിന്റെ നിറം ശരീരത്തിനുള്ളിൽ എന്താണ് സംഭവിക്കുന്നതെന്ന് മുൻകൂറായി കാണിക്കുന്നു. കടും മഞ്ഞ നിറത്തിലെ മൂത്രം നിർജ്ജലീകരണത്തെ സൂചിപ്പിക്കുന്നു. നിങ്ങൾ കഴിക്കുന്ന ഭക്ഷണം മുതൽ കഴിക്കുന്ന മരുന്നുകൾ, ചില രോഗാവസ്ഥകൾ വരെയുള്ള വിവിധ കാരണങ്ങളാൽ മൂത്രം പിങ്ക്, ബ്രൗൺ, പർപ്പിൾ തുടങ്ങിയ നിറങ്ങിലേക്ക് മാറാം. മഞ്ഞപ്പിത്തം ഉണ്ടെങ്കിൽ മൂത്രത്തിന് കടും മഞ്ഞനിറമാണ്. മൂത്രനാളിയിലെ അണുബാധകളിലെ വേദന ചികിത്സിക്കാൻ ഉപയോഗിക്കുന്ന വൻകുടൽ പുണ്ണ്, ഫിനാസോപിരിഡിൻ എന്നിവ മൂത്രത്തെ കടും മഞ്ഞയോ ഓറഞ്ച് നിറമോ ആകാം.
കരൾ രോഗമോ മഞ്ഞപ്പിത്തമോ ഉള്ള രോഗിയിലും മൂത്രം മഞ്ഞനിറമായിരിക്കും. മൂത്രത്തിന്റെ ദുർഗന്ധം സാധാരണയായി മൂത്രത്തിൽ അണുബാധയെ സൂചിപ്പിക്കുന്നു. ചിലപ്പോൾ, മൂത്രനാളിയിലെ ആന്തരിക രക്തസ്രാവം മൂലം മൂത്രത്തിന് ചുവപ്പ് നിറമായിരിക്കും. മൂത്രത്തിൽ ചുവപ്പ് നിറം കണ്ടാൽ ഒരിക്കലും അവഗണിക്കരുത്. കാരണം ഇത് മൂത്രസഞ്ചി അല്ലെങ്കിൽ കിഡ്നി ക്യാൻസറിന്റെ ആദ്യ ലക്ഷണമാകാം. മറ്റ് കാരണങ്ങൾ വൃക്കയിലെ കല്ലുകളും മൂത്രനാളിയിലെ അണുബാധയും ആകാം.
മൂത്രത്തിൽ പത വരികയോ കുമിളകൾ ഉണ്ടാകുകയോ ചെയ്യുമ്പോഴും ശ്രദ്ധിയ്ക്കുക. കിഡ്നിയിൽ കൂടുതൽ പ്രോട്ടീൻ വരുന്നത് പ്രോട്ടിന്യൂറിയ എന്ന അവസ്ഥയെ സൂചിപ്പിയ്ക്കുന്നു. ഇതാണ് മൂത്രത്തിൽ പതയും കുമിളകളും വരാനുളള ഒരു കാരണം. മൂത്രമൊഴിക്കുമ്പോൾ, മൂത്രത്തിൽ അമിതമായ കുമിളകളുണ്ടെങ്കിൽ, ഇത് കിഡ്നി രോഗത്തിന്റെ ലക്ഷണമാണെന്ന് അറിയണം.
ശരീരത്തിൽ വിവിധയിടങ്ങളിൽ കാണുന്ന നീര് മറ്റൊരു കിഡ്നി പ്രശ്ന ലക്ഷണം കൂടിയാണ്. വൃക്ക തകരാറിലെങ്കിൽ ശരീരത്തിൽ നിന്നും വെള്ളം പുറന്തള്ളുവാൻ വൃക്കയ്ക്കു കഴിയാതെ വരുന്നതാണ് ഇതിനു കാരണമായി പറയുന്നത്.
