ധാക്ക : ബംഗ്ലാദേശില് ട്രെയിനുകള് കൂട്ടിയിടിച്ചുണ്ടായ അപകടത്തിൽ 20 പേര് മരിച്ചു. നിരവധിപേര്ക്ക് പരിക്കേൽക്കുകയും ചെയ്തിട്ടുണ്ട്. തലസ്ഥാനമായ ധാക്കയ്ക്ക് സമീപം കിഷോര്ഗഞ്ച് ജില്ലയിലാണ് ട്രെയിൻ അപകടം നടന്നത്.
പാസഞ്ചര് ട്രെയിനും ഗുഡ്സ് ട്രെയിനും തമ്മിലാണ് കൂട്ടിയിടിച്ചത്. നിരവധിപേര് തകര്ന്ന കോച്ചുകള്ക്ക് അടിയില് കുടുങ്ങി കിടക്കുന്നതിനാൽ മരണസംഖ്യ കൂടുതൽ ഉയർന്നേക്കാം എന്നാണ് കരുതപ്പെടുന്നത്. വിവിധ ഏജൻസികളുടെ കൂട്ടായ ശ്രമത്തിൽ രക്ഷാപ്രവർത്തനങ്ങൾ നടന്നുകൊണ്ടിരിക്കുകയാണ്.
എന്താണ് ട്രെയിനുകൾ തമ്മിൽ കൂട്ടിയിടിക്കാൻ ഉണ്ടായ കാരണമെന്ന് വ്യക്തമായിട്ടില്ല. അപകടത്തെ തുടർന്ന് പാസഞ്ചർ ട്രെയിനിന്റെ മൂന്ന് കമ്പാർട്ട്മെന്റുകൾ പൂർണ്ണമായും തകർന്നു. അഗ്നി രക്ഷാ സേന അടക്കമുള്ള വിവിധ സർക്കാർ ഏജൻസികൾ സംഭവസ്ഥലത്ത് എത്തിയിട്ടുണ്ട്. രക്ഷാപ്രവർത്തനങ്ങൾ തുടർന്നുകൊണ്ടിരിക്കുകയാണ്. അപകടത്തെ തുടർന്ന് ഈ മേഖലയിലെ ട്രെയിൻ ഗതാഗതം തടസ്സപ്പെട്ടിരിക്കുന്ന അവസ്ഥയിലാണുള്ളത്.
Discussion about this post