തിരുവനന്തപുരം: കുറഞ്ഞ ചിലവില് ഡ്രൈവിംഗ് പഠനം ഉറപ്പാക്കുന്ന കെഎസ്ആര്ടിസിയുടെ ഡ്രൈവിംഗ് സ്കൂളുകൾ ഇന്ന് ആരംഭിക്കും. പുതുതായി ആരംഭിക്കുന്ന ഡ്രൈവിംഗ് സ്കൂളിന്റെയും സോളാര് പവർ പാനലിന്റെയും സംസ്ഥാനതല ഉദ്ഘാടനം ഇന്ന് നടക്കും. ആനയറ കെഎസ്ആര്ടിസി സ്വിഫ്റ്റ് ആസ്ഥാനത്ത് ഉച്ചയ്ക്ക് 12 മണിക്ക് മുഖ്യമന്ത്രി പിണറായി വിജയന് ഉദ്ഘാടന കര്മ്മം നിര്വ്വഹിക്കും.
ഗതാഗത മന്ത്രി കെ ബി ഗണേഷ് കുമാര് ചടങ്ങില് അദ്ധ്യക്ഷത വഹിക്കും. കടകംപള്ളി സുരേന്ദ്രൻ എം എൽ എ, മേയർ ആര്യാ രാജേന്ദ്രൻ, ഉദ്യോഗസ്ഥർ, തൊഴിലാളി സംഘടനാ പ്രതിനിധികൾ എന്നിവരും ചടങ്ങില് പങ്കെടുക്കും.
ആദ്യഘട്ടത്തിൽ 23 കേന്ദ്രങ്ങളിലായിരിക്കും കെഎസ്ആര്ടിസിയുടെ കീഴിൽ ഡ്രൈവിംഗ് സ്കൂൾ തുടങ്ങുന്നത്. കെഎസ്ആര്ടിസിയിലെ വിദഗ്ധരായ ഇൻസ്ട്രക്ടർമാരുടെ സേവനമുള്പ്പെടെ ഡ്രൈവിംഗ് ഇവിടെയുണ്ടാകും. ദേശീയ അന്തർദ്ദേശീയ നിലവാരത്തിലുള്ള ലൈറ്റ്മോട്ടോർ ഡ്രൈവിംഗ് പരിശീലനം ഈ കേന്ദ്രങ്ങളിൽ ലഭ്യമാക്കാനാണ് ലക്ഷ്യമിടുന്നത്. കെഎസ്ആര്ടിസി ഡ്രൈവർമാർക്ക് അധിക പരിശീലനം നൽകുന്നതടക്കമുള്ള കാര്യങ്ങളും പരിഗണിക്കുമെന്നാണ് വിവരം.
