രാഹുലിനെ ട്യൂബ് ലൈറ്റ് എന്ന് വിശേഷിപ്പിച്ചപ്പോള്‍ പൊട്ടിച്ചിരിച്ച് കൊടിക്കുന്നില്‍: സ്വന്തം നേതാവിനെ ട്രോളിയാല്‍ ആഘോഷിക്കുന്ന എം.പിയെ തിരഞ്ഞ് ഉത്തരേന്ത്യക്കാര്‍

കോൺഗ്രസ് നേതാവ് രാഹുൽ ഗാന്ധിയെ ട്യൂബ് ലൈറ്റ് എന്ന് പ്രധാനമന്ത്രി നരേന്ദ്രമോദി വിശേഷിപ്പിച്ചപ്പോൾ പൊട്ടിച്ചിരിച്ച് കോൺഗ്രസ്സ് എം.പി കൊടിക്കുന്നിൽ സുരേഷ്.വ്യാഴാഴ്ച, ലോക്സഭയിൽ വെച്ച് പ്രധാനമന്ത്രി പ്രസംഗിക്കവേ, പ്രസംഗം തടസ്സപ്പെടുത്തി സംസാരിക്കാൻ രാഹുൽ ഗാന്ധി ശ്രമിച്ചിരുന്നു.ഇതിന്റെ പശ്ചാത്തലത്തിലാണ് പ്രധാനമന്ത്രി രാഹുൽ ഗാന്ധി ട്യൂബ് ലൈറ്റ് എന്ന് പരിഹസിച്ചത്.
“ഞാൻ 30-40 മിനിറ്റുകൾ സംസാരിച്ചെങ്കിലും ചിലർ ഇങ്ങനെയാണ്. ട്യൂബ് ലൈറ്റ് പോലെ, കത്താൻ വൈകും” എന്നായിരുന്നു നരേന്ദ്ര മോദിയുടെ പ്രതികരണം.

സദസ്സിൽ, പ്രത്യേകിച്ച് ബിജെപി നേതാക്കളിൽ ഈ വിശേഷണം കൂട്ടച്ചിരി പടർത്തിയെങ്കിലും, മറ്റു പ്രതിപക്ഷക്കാർ നിശ്ശബ്ദരായിരുന്നു. ഈ സമയത്താണ് കേരളത്തിൽ നിന്നുള്ള കോൺഗ്രസ് എംപി കൊടിക്കുന്നിൽ സുരേഷ്, ബിജെപി നേതാക്കൾക്കൊപ്പം രാഹുൽഗാന്ധിയെ പരിഹസിച്ചു ചിരിച്ചത്. വയനാട്ടിൽ നിന്നുള്ള പാർലമെന്റ് അംഗമായ രാഹുൽഗാന്ധിയുടെ തൊട്ടടുത്തായിരുന്നു കൊടിക്കുന്നിൽ സുരേഷിന്റെയും സ്ഥാനം.പ്രധാനമന്ത്രിയെ പിന്തുണച്ചു കോൺഗ്രസ് നേതാവിനെ കളിയാക്കിച്ചിരിച്ച കോൺഗ്രസ് എം.പി, ഉത്തരേന്ത്യൻ മാധ്യമങ്ങളിൽ വലിയ ചർച്ചയാവുകയാണ്.

രാഷ്ട്രപതിയുടെ നയപ്രഖ്യാപനത്തിന്മേലുള്ള നന്ദിപ്രമേയ ചർച്ചയിൽ പ്രസംഗിക്കുകയായിരുന്നു പ്രധാനമന്ത്രി
നരേന്ദ്രമോദി.

വീഡിയോ കാണാം

#WATCH Prime Minister Narendra Modi after Rahul Gandhi made an intervention in his speech in Lok Sabha: I was speaking for the last 30-40 minutes but it took this long for the current to reach there. Many tubelights are like this. pic.twitter.com/NwbQVBHWPx

— ANI (@ANI) February 6, 2020