ന്യൂഡൽഹി: ശ്രീനഗർ-ലേ ഹൈവേയിലെ 6.5 കിലോമീറ്റർ ഇസഡ്-മോർ ടണലിൻറെ ഉദ്ഘാടനം അടുത്ത മാസം നടക്കും.ജമ്മുവിനും ശ്രീനഗറിനും ഇടയിൽ മറ്റ് 9 തുരങ്കങ്ങളു കൂടി നിർമ്മിക്കുന്നുണ്ടെന്നും കേന്ദ്രമന്ത്രി നിതിൻ ഗഡ്കരി വ്യക്തമാക്കി. ശ്രീനഗർ-ലേ ഹൈവേയിൽ ഗഗൻഗീറിനും സോനാമാർഗിനും ഇടയിലാണ് ഇസഡ് മോർ ടണൽ നിർമ്മിക്കുന്നത്. വർഷം മുഴുവനും തുരങ്കത്തിലൂടെ ഗതാഗത സൌകര്യം ഉണ്ടാകുമെന്നതാണ് ഇതിൻറെ പ്രത്യേകത.
ഏഷ്യയിലെ ഏറ്റവും നീളം സോജില തുരങ്കത്തിന്റെ പണി 2024ൽ പൂർത്തിയാകുമെന്നും കേന്ദ്രമന്ത്രി പറഞ്ഞു.സോജില തുരങ്കത്തിൻറെ 65-70 ശതമാനം ജോലികൾ പൂർത്തിയായിക്കഴിഞ്ഞു, 2024 ൽ സോജില തുരങ്കവും ഉദ്ഘാടനം ചെയ്യപ്പെടുമെന്ന് കേന്ദ്ര മന്ത്രി അറിയിച്ചു.
4,900 കോടി രൂപ ചെലവിൽ ആണ് സോജില തുരങ്കത്തിൻറെ നിർമ്മാണം . 13.5 കിലോമീറ്റർ നീളമുള്ള സോജില തുരങ്കം, ശ്രീനഗറിനെ ലേയുമായി ബന്ധിപ്പിക്കുന്ന പ്രധാന (NH1) പാതയായിരിക്കും. എല്ലാ കാലാവസ്ഥയ്ക്കും അനുയോജ്യമാക്കുന്ന തരത്തിലാണ് തുരങ്കത്തിൻറെ നിർമ്മാണം.
11,000 അടി ഉയരമുള്ള പദ്ധതിയുടെ യഥാർത്ഥ സമയപരിധി 2026 ഡിസംബറാണ്.കനത്ത മഞ്ഞുവീഴ്ച അനുഭവപ്പെടുന്നതിനാൽ മഞ്ഞുകാലത്തിനു ശേഷവും റോഡ് അടച്ചിട്ടിരിക്കുകയാണ്. ഈ പ്രശ്നത്തിനുള്ള പരിഹാരമായിട്ടായിരിക്കും സോജില തുരങ്കം വരുന്നതെന്നും മന്ത്രി വ്യക്തമാക്കി.
