മുംബൈ: ഗണേശ ഭഗവാന്റെ അനുഗ്രഹം തേടി തെലുങ്ക് സൂപ്പർ താരം രാം ചരൺ. മുംബൈയിലെ സിദ്ധി വിനായക ക്ഷേത്രത്തിൽ ദർശനം നടത്തി. ഇന്ന് രാവിലെയായിരുന്നു താരത്തിന്റെ ക്ഷേത്ര ദർശനം. ഗണേശ ഭഗവാന് മുൻപിൽ തൊഴുതു നിൽക്കുന്ന രാംചരണിന്റെ ചിത്രങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
പുതിയ സിനിമയുടെ ചിത്രീകരണത്തിനായി മുംബൈയിൽ എത്തിയതായിരുന്നു രാം ചരൺ. ഇതിനിടെയാണ് അദ്ദേഹം ഇന്ന് രാവിലെ ക്ഷേത്രത്തിൽ എത്തി പ്രാർത്ഥിച്ചത്. പുതിയ ചിത്രത്തിന്റെ അണിയറ പ്രവർത്തകരും ഒപ്പമുണ്ടായിരുന്നു. കറുപ്പ് വസ്ത്രം ധരിച്ച് നഗ്നപാദനായിട്ടായിരുന്നു അദ്ദേഹം ക്ഷേത്രത്തിൽ എത്തിയത്. ശബരിമല ദർശനത്തിന് ഒരുങ്ങിയിരിക്കുകയാണെന്നാണ് താരം എന്നാണ് ഇത് നൽകുന്ന സൂചന. അയ്യപ്പ ദീക്ഷ പൂർത്തിയാക്കുന്നതിന്റെ ഭാഗമായിട്ടായിരുന്നു ക്ഷേത്ര ദർശനം. എല്ലാ വർഷവും അദ്ദേഹം 42 ദിവസം വ്രതം നോറ്റ് ശബരിമലയിൽ എത്താറുണ്ട്.
സിദ്ധിവിനായകന് രാം ചരൺ വഴിപാടുകൾ നടത്തി. വിവിധ പൂജകളിലും അദ്ദേഹം പങ്കെടുത്തു. കാണിക്കയുൾപ്പെടെ സമർപ്പിച്ച ശേഷമായിരുന്നു അദ്ദേഹത്തിന്റെയും അണിയറ പ്രവർത്തകരുടെയും മടക്കം. ഗെയിം ചെയ്ഞ്ചർ എന്നാണ് അദ്ദേഹത്തിന്റെ പുതിയ ചിത്രത്തിന്റെ പേര്.
ആർആർആർ എന്ന ചിത്രം വലിയ പ്രശസ്തിയാണ് അദ്ദേഹത്തിന് നേടിക്കൊടുത്തത്. ഇതിന് പിന്നാലെ സന്തോഷം ഇരട്ടിയാക്കി രാംചരണിന് പെൺകുഞ്ഞ് ജനിക്കുകയും ചെയ്തിരുന്നു.
#WATCH | Maharashtra: Actor Ram Charan offered prayers at Siddhivinayak Temple in Mumbai.
(Source: Siddhivinayak Temple) pic.twitter.com/GEkTYIe9sf
— ANI (@ANI) October 4, 2023
