കൊച്ചി: നടൻ ഭീമൻ രഘുവിന് നേരെ സമൂഹമാദ്ധ്യമങ്ങളിൽ ട്രോൾപൂരം. ഒരു ഡയലോഗ് അടിച്ചപ്പോൾ സംഭവിച്ച നാക്കുപിഴയാണ് രഘുവിനെ എയറിലാക്കിയത്. ‘നരസിംഹം’ സിനിമയിലെ ഡയലോഗ് അവതരിപ്പിക്കുന്ന ഭീമൻ രഘുവിന്റെ ദൃശ്യങ്ങൾ സോഷ്യൽ മീഡിയയിൽ വൈറലായിക്കഴിഞ്ഞു.
നരസിഹം സിനിമയിലെ ‘വരണം വരണം ഇന്ദുചൂഡൻ’ എന്ന് തുടങ്ങുന്ന എന്ന് തുടങ്ങുന്ന ഡയലോഗാണ് ഭീമൻ രഘു പറഞ്ഞത്. ഡയലോഗിലെ പാലക്കാട് വിക്ടോറിയ കോളേജ് മുതൽ’ എന്ന ഭാഗം കഴിഞ്ഞ വന്ന ഒരു വാക്കിൽ ഒരു ‘റി’ അറിയാതെ കടന്നുകയറി. വീഡിയോ വൈറലായി മാറാൻ അധിക സമയം വേണ്ടിവന്നില്ല.
സംഭവം ചർച്ചയായതോടെ അസഭ്യം പറഞ്ഞതല്ല എന്ന് ഭീമൻ രഘു വിശദീകരണം നൽകി. സിനിമയിൽ ആ വാക്ക് പകുതിയേ പറയുന്നുള്ളു.ഡയലോഗ് പറഞ്ഞു വന്നപ്പോൾ ആ മുഴുവൻ വാക്ക് വായിൽ നിന്നു വീണുപോയി. അത് ആരോ വീഡിയോ പിടിച്ച് അപ്പോൾ തന്നെ സോഷ്യൽ മീഡിയയിൽ ഇട്ടു. അത് പറയണം എന്ന് ഉദ്ദേശിച്ച് പറഞ്ഞതല്ല. പക്ഷേ ഡയലോഗ് മുഴുവൻ സ്പീഡിൽ പറഞ്ഞു വന്നപ്പോ ഒരു ‘റി’ കൂടി അതിൽ കയറിക്കൂടി. അതൊരു നാക്കുപിഴ ആയി കണ്ടാൽ മതി. അത് പറയാൻ ഞാൻ ഉദ്ദേശിച്ചിരുന്നില്ലെന്നായിരുന്നു വിശദീകരണം.
