ഐ.പി.എൽ 2026-ൽ ചെന്നൈ സൂപ്പർ കിംഗ്‌സും സൺറൈസേഴ്‌സ് ഹൈദരാബാദും തമ്മിൽ ചെപ്പോക്കിൽ നടന്ന ആവേശപ്പോരാട്ടം കാണാൻ ഗാലറിയിൽ മലയാളി താരം ബേസിൽ ജോസഫും എത്തിയിരുന്നു. ടി20 ലോകകപ്പ് ഫൈനലിലെ തന്റെ വൈറൽ പ്രവചനത്തിന് പിന്നാലെ, ഈ മത്സരത്തിലും സഞ്ജു സാംസണിന്റെ സിക്സർ കൃത്യമായി പ്രവചിച്ച് ക്രിക്കറ്റ് ആരാധകരെ വീണ്ടും ഞെട്ടിച്ചിരിക്കുകയാണ് താരം.
മത്സരത്തിനിടയിൽ ചെപ്പോക്കിലെ അപ്പർ സ്റ്റാൻഡിലിരുന്ന് ബേസിൽ ജോസഫ് നടത്തിയ പ്രവചനമാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. തന്റെ ഏറ്റവും പുതിയ ചിത്രമായ ‘അതിരടി’യിലെ നായിക റിയ ഷിബുവിനും ചിത്രത്തിന്റെ അണിയറപ്രവർത്തകർക്കുമൊപ്പമാണ് ബേസിൽ കളി കാണാനെത്തിയത്..
മത്സരത്തിനിടയിൽ സഞ്ജു സാംസൺ ബാറ്റ് ചെയ്യുന്ന സമയത്ത് ബേസിൽ ക്യാമറയ്ക്ക് നേരെ നോക്കി തമിഴിൽ “സിക്സ് അടിക്കാൻ പോറാൻ, സിക്സ് അടിക്കാൻ പോറാൻ” (അവൻ ഇപ്പോൾ സിക്സർ അടിക്കും) എന്ന് ആവർത്തിച്ചു പറയുന്നത് വീഡിയോയിൽ കാണാം. തൊട്ടടുത്ത നിമിഷം തന്നെ സഞ്ജു പന്ത് ഗാലറിയിലേക്ക് പറത്തുകയും ചെയ്തു. പ്രവചനം സത്യമായതോടെ ബേസിലും ഒപ്പമുണ്ടായിരുന്ന ‘അതിരടി’ ടീമും കെട്ടിപ്പിടിച്ചും ഹൈ-ഫൈവ് നൽകിയും വൻ വിജയാഘോഷമാണ് ഗാലറിയിൽ നടത്തിയത്.
അടുത്തിടെ അഹമ്മദാബാദിൽ നടന്ന ഇന്ത്യ-ന്യൂസിലൻഡ് ടി20 ലോകകപ്പ് ഫൈനൽ മത്സരത്തിലും സഞ്ജു സിക്സർ അടിക്കുമെന്ന് ബേസിൽ ഇതേ രീതിയിൽ പ്രവചിച്ചിരുന്നു. ആ വീഡിയോയും അന്ന് വലിയ രീതിയിൽ വൈറലായിരുന്നു.
Basil Joseph recreated his Sanju Samson six prediction from the World Cup final again, this time for CSK match 😂🔥🔥🔥 #sanjusamson #Chennaisuperkings pic.twitter.com/puqypFOeg7
— 🆃🅰🅼🅸🅻 🅲🅸🅽🅴🅼🅰 🆃🅰🅻🅺🆂 (@tamilcinema_12) May 18, 2026
