ബ്രിക്സ് ഉച്ചകോടിയുടെ ഒന്നാം ദിവസത്തെ സമ്മേളനത്തിന് ശേഷം ന്യൂഡൽഹിയിലെ ഭാരത് മണ്ഡപത്തിൽ പ്രധാനമന്ത്രി നരേന്ദ്ര മോദിയും മറ്റ് ലോകനേതാക്കളും ചേർന്ന് വൃക്ഷത്തൈകൾ നട്ടു. പേരാൽ വൃക്ഷ തൈകൾ ആണ് വൃത്ത രാജ്യങ്ങളുടെ നേതാക്കൾ നട്ടത്. ഭാരത് മണ്ഡപത്തിന്റെ വിശാലമായ പുൽത്തകിടിയിലാണ് ഈ പ്രത്യേക വൃക്ഷത്തൈ നടീൽ ചടങ്ങ് സംഘടിപ്പിച്ചത്. അംഗരാജ്യങ്ങൾ തമ്മിലുള്ള ശക്തമായ സൗഹൃദത്തിന്റെയും ആഗോള ഐക്യത്തിന്റെയും പ്രതീകമായാണ് നേതാക്കൾ സംയുക്തമായി മരത്തൈകൾ നട്ടത്.
ചടങ്ങിൽ പ്രധാനമന്ത്രി നരേന്ദ്ര മോദിക്കൊപ്പം റഷ്യൻ പ്രസിഡന്റ് വ്ലാദിമിർ പുടിൻ, ചൈനീസ് പ്രസിഡന്റ് ഷി ജിൻപിങ് തുടങ്ങി പങ്കെടുത്ത മറ്റ് പ്രമുഖ നേതാക്കളും പങ്കാളികളായി. എല്ലാ നേതാക്കളും ചേർന്ന് തൈകൾക്ക് വെള്ളമൊഴിക്കുകയും ചെയ്തു. ഇന്ത്യൻ സംസ്‌കാരത്തിൽ ആഴത്തിൽ വേരുകളുള്ള പേരാൽ സ്ഥിരതയുടെയും വളർച്ചയുടെയും പ്രതീകമായി കണക്കാക്കപ്പെടുന്നു. അതിനുശേഷം ലോകനേതാക്കൾ ഒന്നിച്ചുനിന്ന് ഔദ്യോഗിക ചിത്രങ്ങളും എടുത്തു.
വൃക്ഷത്തൈ നടീലിനു ശേഷം നേതാക്കൾ ഭാരത് മണ്ഡപത്തിൽ ഒരുക്കിയ ‘ഇന്ത്യ ഇന്നൊവേറ്റ്സ്’ പ്രദർശനവും സന്ദർശിച്ചു. ഉച്ചകോടിക്ക് മുന്നോടിയായി എത്തിയ ലോകനേതാക്കളെ പ്രധാനമന്ത്രി നരേന്ദ്ര മോദി നേരിട്ടെത്തിയാണ് സ്വീകരിച്ചത്. പരിസ്ഥിതി സംരക്ഷണത്തിനും ആഗോള സഹകരണത്തിനും ഒരുപോലെ പ്രാധാന്യം നൽകുന്നതായിരുന്നു ഈ അപൂർവ്വ ചടങ്ങ്.
