ഇറാന്റെ സൈന്യം അബദ്ധത്തിൽ വെടിവച്ചിട്ട ഉക്രേനിയൻ ഇന്റർനാഷണൽ എയർലൈൻസ് ജെറ്റിന്റെ ബ്ലാക്ക് ബോക്സുകൾ ഉക്രൈൻ തലസ്ഥാനമായ കീവിലേയ്ക്ക് അയക്കുമെന്ന് ഇറാൻ. അന്വേഷണ സംഘത്തിന്റെ തലവൻ ഹസ്സൻ റിസെഫറാണ് ഈ വിവരം പ്രാദേശിക മാധ്യമങ്ങളോട് വെളിപ്പെടുത്തിയത്.
ബ്ലാക്ക് ബോക്സുകൾ കീവിലെത്തിച്ച ശേഷം യുഎസ്, കാനഡ, ഫ്രാൻസ് എന്നീ രാജ്യങ്ങളിലെ സാങ്കേതിക വിദഗ്ധർ അവയിൽ നിന്നും വിവരങ്ങൾ പുറത്തെടുക്കാൻ ശ്രമിക്കുമെന്ന് ഹസ്സൻ റിസെഫറർ ശനിയാഴ്ച തസ്നിം ന്യൂസ് ഏജൻസിയോട് പറഞ്ഞു.
അവ പരാജയപ്പെടുകയാണെങ്കിൽ, ബ്ലാക്ക് ബോക്സുകൾ ഫ്രാൻസിലെ ഒരു ലാബിലേക്ക് അയയ്ക്കും. കൂടുതൽ അന്വേഷണങ്ങൾക്ക് ബ്ലാക്‌ബോക്‌സുകളിലെ റെക്കോർഡിംഗുകൾ ആവശ്യമാണെന്നും ,അവ സ്വന്തമായി വേര്തിരിച്ചെടുക്കാനുള്ള ചെയ്യാനുള്ള സാങ്കേതിക വിദ്യ ഇറാനില്ലെന്നും റിസെഫർ മുമ്പ് പ്രസ്താവിച്ചിരുന്നു.
