കോവിഡ് രോഗബാധ പടർന്നുപിടിക്കുന്നതിനിടെ സഹായഹസ്തവുമായി എത്തുന്ന താരങ്ങളുടെ എണ്ണം വർദ്ധിക്കുന്നു. പ്രസിദ്ധ ബോളിവുഡ് താരമായ അജയ് ദേവ്ഗൺ, മുംബൈയിലെ തൊഴിലാളികൾക്ക് 51 ലക്ഷം രൂപ ധനസഹായം ചെയ്യുമെന്ന് പ്രഖ്യാപിച്ചു.
രാജ്യമാകെ കൊറോണ മഹാമാരി ബാധിച്ചപ്പോൾ, കേന്ദ്ര-സംസ്ഥാന സർക്കാറുകൾക്ക് അടച്ചുപൂട്ടൽ പ്രഖ്യാപിക്കുകയല്ലാതെ മറ്റു വഴിയുണ്ടായിരുന്നില്ല. പക്ഷേ, ഇത് ഏറ്റവുമധികം ബാധിച്ചത് ദിവസ ശമ്പളക്കാരെയും കൂലിപ്പണിക്കാരെയുമാണ്. ഷൂട്ടിങ് മുടങ്ങിയതോടെ പട്ടിണിയിലായ തന്റെ മേഖലയിലെ ദിവസക്കൂലിക്കാർക്കാണ് താരം സഹായം പ്രഖ്യാപിച്ചത്. സിനിമാ രംഗത്തെ താഴെത്തട്ടിലുള്ളവരുടെ ക്ഷേമത്തിനു വേണ്ടി പ്രവർത്തിക്കുന്ന ഫെഡറേഷൻ ഓഫ് വെസ്റ്റേൺ ഇന്ത്യ സിനി എംപ്ലോയീസ് എന്ന സംഘടനയ്ക്കാണ് അജയ് സംഭാവന ചെയ്യുക.
