മുഖ്യമന്ത്രി പിണറായി വിജയനെതിരെ ആഞ്ഞടിച്ച് കേന്ദ്രമന്ത്രി വി.മുരളീധരൻ. അന്യസംസ്ഥാനങ്ങളിൽ കുടുങ്ങിക്കിടക്കുന്ന മലയാളികളെ തിരിച്ചുകൊണ്ടു വരാൻ സംസ്ഥാന സർക്കാർ ഒരു നടപടിയും എടുത്തിട്ടില്ലെന്ന് പറഞ്ഞ കേന്ദ്ര വിദേശകാര്യ സഹമന്ത്രി, പിണറായി വിജയൻ നടപ്പാക്കുന്നത് കമ്മ്യൂണിസ്റ്റ് ശൈലിയാണെന്നും തുറന്നടിച്ചു.
അന്യസംസ്ഥാനങ്ങളിൽ കുടുങ്ങിക്കിടക്കുന്ന മലയാളികളെ തിരിച്ചു നാട്ടിലെത്തിക്കുന്നതിന് ഒരു പെട്ടി ഓട്ടോറിക്ഷ പോലും കേരളം അയച്ചു കൊടുത്തിട്ടില്ലെന്ന് ചൂണ്ടിക്കാട്ടിയ മുരളീധരൻ, മുഖ്യമന്ത്രി വെറുതെ പരാമർശം നടത്തിയിട്ട് മാത്രം കാര്യമില്ലെന്നും വ്യക്തമാക്കി.പ്രവാസികളുടെ സ്വന്തം നാടുകളിൽ എത്തിക്കാൻ എന്തുകൊണ്ട് കെഎസ്ആർടിസി ബസുകൾ ഉപയോഗിച്ചു കൂടായെന്ന ചോദ്യത്തിന് കൃത്യമായ മറുപടി നൽകാതെ മുഖ്യമന്ത്രി ഒഴിഞ്ഞുമാറുകയാണ് എന്നും കേന്ദ്രമന്ത്രി പറഞ്ഞു.
