ചെന്നൈ : തമിഴ്നാട്ടിലെ കൊറോണ രോഗബാധിതരുടെ എണ്ണത്തിൽ വൻ വർദ്ധനവ്.കഴിഞ്ഞ 24 മണിക്കൂറിനുള്ളിൽ തമിഴ്നാട്ടിൽ രോഗം സ്ഥിരീകരിച്ചത് 718 പേർക്കാണ്.ഇതോടെ തമിഴ് നാട്ടിലുള്ള ആകെ കോവിഡ് -19 രോഗികളുടെ എണ്ണം 10,000 കടന്നു.ഇന്ന് മാത്രം തമിഴ്നാട്ടിൽ രോഗം ബാധിച്ച് മരിച്ചത് 8 പേരാണ്. ഇതോടെ ആകെ രോഗം ബാധിച്ചു മരിച്ചവരുടെ എണ്ണം 111 ആയി വർദ്ധിച്ചു. ഇന്ന് കോവിഡ് -18 സ്ഥിരീകരിച്ചവരിൽ ഭൂരിഭാഗം പേരും ചെന്നൈയിൽ നിന്നുമുള്ളവരാണ്.587 പേർക്കാണ് ചെന്നൈയിൽ നിന്ന് മാത്രം ഇന്ന് കോവിഡ് -19 റിപ്പോർട്ട് ചെയ്തത്. തേനി, കന്യാകുമാരി എന്നീ ജില്ലകളിലും രോഗികളുടെയും എണ്ണം ക്രമാതീതമായി വർദ്ധിക്കുകയാണ്.
കോയമ്പത്തൂർ, തിരുപ്പൂർ ജില്ലകളിൽ പുതിയ കേസുകളൊന്നും റിപ്പോർട്ട് ചെയ്യാത്തത് തമിഴ്നാടിന് ചെറിയ ആശ്വാസം നൽകുന്നുണ്ട്.രോഗികളുടെ എണ്ണത്തിൽ വൻ വർദ്ധനവുണ്ടാകുന്ന ഈ സാഹചര്യത്തിലും സർക്കാർ ലോക്ക്ഡൗണിൽ കൂടുതൽ ഇളവുകൾ അനുവദിച്ചിട്ടുണ്ട്.സംസ്ഥാനത്ത് സാമൂഹ്യ വ്യാപനം നടന്നിട്ടില്ലെന്നാണ് മുഖ്യമന്ത്രി പളനിസാമിയുടെ നിലപാട്.
