തെന്നിന്ത്യൻ സിനിമകളിലെ താര റാണിയായിരുന്നു പ്രിയാ രാമൻ. സിനിമയിൽ കത്തി നിൽക്കുന്ന സമയത്തായിരുന്നു പ്രശസ്ത നടനും വില്ലൻ കഥാപാത്രങ്ങളിലൂടെ മലയാളികൾക്ക് പ്രിയങ്കരനുമായ രഞ്ജിത്തുമായി പ്രണയത്തിലായത്. വിവാഹം കഴിഞ്ഞതോടെ ഒരു പതിറ്റാണ്ടോളം പ്രിയാ രാമൻ സിനിമയിൽ നിന്ന് പാടെ മാറിനിന്നു കുടുംബിനിയായി. രണ്ടു മക്കൾ ആണ് ഇരുവർക്കും ഉള്ളത്. എന്നാൽ വിവാഹത്തെക്കുറിച്ചും വിവാഹത്തകര്‍ച്ചയെക്കുറിച്ചും ഇപ്പോള്‍ ഇതാ താരം മനസ്സ് തുറക്കുകയാണ്.
2004 ൽ ആയിരുന്നു ഇരുവരും തമ്മിലുള്ള വിവാഹം. കൃത്യം 10 വർഷം കഴിഞ്ഞു 2014 ൽ ആണ് ഇരുവരും പിരിയുന്നത്. രഞ്ജിത്തുമായി ഉള്ള ബന്ധം വേര്‍പിരിഞ്ഞത് തന്നെ മാനസികമായി തളര്‍ത്തിയെന്നും കൃത്യത ഉള്ള കാര്യങ്ങളില്‍ കൂടിയേ ജീവിതത്തില്‍ വിജയിക്കാന്‍ കഴിയുകയെന്നും അനുഭങ്ങളില്‍ നിന്നും പലതും പഠിച്ചെന്നും പ്രിയ പറയുന്നു. നൂറ് ശതമാനം ആലോചിച്ച്‌ നിയമപരമായ എല്ലാ കാര്യങ്ങള്‍ക്കും ശേഷമായിരുന്നു ഞങ്ങള്‍ വേര്‍പിരിഞ്ഞത്. അതിലൊട്ടും നാടകീയത ഉണ്ടായിരുന്നില്ല. എന്താണ് വേണമെന്ന വ്യക്തമായ ധാരണ ഉണ്ടായിരുന്നു.
വലിയ ചലഞ്ച് ആയിരുന്നു. മാനസികമായി, വൈകാരികമായി ഒരുപാട് പ്രയാസങ്ങള്‍ നേരിടേണ്ടി വന്നു. കരഞ്ഞിട്ടുണ്ട് ഒരുപാട്. വലിയ മാനസിക പിരിമുറുക്കം അനുഭവിച്ചിട്ടുണ്ട്. ഏതു റിലേഷനും മുറിഞ്ഞു മാറുമ്പോള്‍, നഷ്ടപ്പെടുമ്പോള്‍ വേദനകള്‍ അനുഭവിക്കേണ്ടി വരും. അതൊക്കെ നേരിടാന്‍ എനിക്ക് കഴിഞ്ഞു. ഒരുപാട് വൈകാരിക സംഘര്‍ഷങ്ങളുണ്ടാകുമെന്ന് തിരിച്ചറിഞ്ഞു. മക്കളേയും ദൈവത്തേയുമാണ് ആ ദിവസങ്ങളില്‍ ഓര്‍ത്തത്.
ആ പ്രതിസന്ധികള്‍ മറികടക്കാന്‍ മാതാപിതാക്കള്‍ തന്ന പിന്തുണ വലുതാണ്. അവര്‍ വ്യക്തമാക്കി.മറ്റുള്ളവരെ പഴി പറഞ്ഞു ജീവിച്ചിരുന്നെങ്കില്‍ ഞാനിങ്ങനെ ചിരിച്ചു കൊണ്ടിരിക്കുമായിരുന്നോ?. ആ മാറ്റം മറ്റുള്ളവരെ കാണിക്കാനല്ല. എന്നിലുള്ള വിശ്വാസം കൂട്ടാനാണ് ഞാനുപയോഗിച്ചത്. അവർ കൂട്ടിച്ചേർത്തു. തമിഴ് നടിയായ രാഗസുധ ആണ് ഇപ്പോൾ രഞ്ജിത്തിന്റെ ഭാര്യ. 2014 ൽ ആയിരുന്നു അവരുടെ വിവാഹം. കുട്ടികൾ ഇരുവരും പ്രിയരാമനൊപ്പമാണ് കഴിയുന്നത്.
