ന്യൂഡൽഹി : ബിജെപി ഇന്ത്യൻ പ്രദേശങ്ങളിലെ പരമാധികാരത്തിൽ വിട്ടുവീഴ്ച ചെയ്യരുതെന്ന കോൺഗ്രസിന്റെ പ്രസ്താവനയ്ക്ക് കടുത്ത മറുപടിയുമായി ബിജെപി പ്രസിഡന്റ് ജെ.പി നദ്ദ.43,000 ചതുരശ്ര കിലോമീറ്റർ ചൈനക്ക് വിട്ടുകൊടുത്ത കോൺഗ്രസാണോ ബിജെപിക്ക് നിർദേശങ്ങൾ നൽകാനിറങ്ങിയിരിക്കുന്നത് എന്നാണ് ജെപി നദ്ദ കോൺഗ്രസിനോട് തിരിച്ചു ചോദിച്ചത്.
മൻമോഹൻ സിംഗ് പ്രധാനമന്ത്രിയായിരുന്ന കാലയളവിലടക്കം ചൈനയെ നൂറുകണക്കിന് ചതുരശ്ര കിലോമീറ്റർ ഭൂമി കയ്യേറാൻ അനുവദിച്ചുവെന്നും നദ്ദ ചൂണ്ടിക്കാട്ടി.മുൻ പ്രധാനമന്ത്രി മൻമോഹൻ സിംഗ്, ഗാൽവൻ വാലിയിലുണ്ടായ ആക്രമണത്തിൽ ഇന്ത്യൻ സൈനികർ കൊല്ലപ്പെട്ട സംഭവത്തിൽ ബിജെപിയെ വിമർശിച്ചിരുന്നു.രാജ്യസുരക്ഷയും ഇന്ത്യൻ പ്രദേശങ്ങളിലെ പരമാധികാരവും അടിയറവ് വെയ്ക്കരുതെന്ന പരാമർശവുമായി മൻമോഹൻ സിങിനെ അനുകൂലിച്ച് കോൺഗ്രസിന്റെ ഔദ്യോഗിക വക്താവായ രൺദീപ് സിംഗ് സുർജേവാലയും രാഹുൽ ഗാന്ധിയും രംഗത്തു വരികയും ചെയ്തു.ഇതിനെ തുടർന്നാണ് കോൺഗ്രസിനെതിരെ ജെ.പി നദ്ദ ആഞ്ഞടിച്ചത്.സായുധസേനയെ അപമാനിക്കുന്നത് അവസാനിപ്പിക്കാനും നദ്ദ നിർദ്ദേശിച്ചു.
