തെന്നിന്ത്യൻ ചലച്ചിത്ര താരം തമന്ന ഭാട്ടിയയ്ക്ക് കോവിഡ് സ്ഥിരീകരിച്ചു. താരത്തെ ഹൈദരാബാദിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണെന്നാണ് റിപ്പോർട്ടുകൾ.
ഹൈദരാബാദിൽ ഒരു വെബ്സീരീസിന്റെ ചിത്രീകരണത്തിലായിരുന്നു തമന്ന. കോവിഡ് ലക്ഷണങ്ങൾ കാണിച്ചതിനെ തുടർന്ന് നടത്തിയ പരിശോധനയിലാണ് താരത്തിന് രോഗം സ്ഥിരീകരിച്ചത്. ആഗസ്റ്റിൽ, തമന്നയുടെ അച്ഛനും അമ്മയ്ക്കും കോവിഡ് സ്ഥിരീകരിച്ച വിവരം തമന്ന സാമൂഹ്യ മാധ്യമങ്ങളിൽ പങ്കു വച്ചിരുന്നു. മാത്രമല്ല, അന്ന് കോവിഡ് പരിശോധന നടത്തിയെന്നും താൻ സുരക്ഷിതയാണെന്നും താരം പോസ്റ്റിൽ സൂചിപ്പിച്ചിരുന്നു.
